ရုရှားနှင့်အိန္ဒိယက BRICS၏ ကမ္ဘာလုံးဆိုင်ရာသြဇာကိုမြှင့်တင်ပေး–ပူတင်

မော်စကို၊ ဒီဇင်ဘာ ၆

BRICS အဖွဲ့ကြီး၏ ကမ္ဘာလုံးဆိုင်ရာ သြဇာလွှမ်းမိုးမှုကိုမြှင့်တင်ရန်အတွက် ရုရှားနှင့် အိန္ဒိယတို့သည် အတူတကွ ပူးပေါင်းဆောင်ရွက်နေကြောင်း ရုရှားသမ္မတ ဗလာဒီမာပူတင်က သောကြာနေ့တွင် ပြောကြားခဲ့သည်။

ခရမ္မလင် ဝက်ဘ်ဆိုက်၏ ဖော်ပြချက်အရ ပူတင်သည် အိန္ဒိယသို့ တရားဝင်အလည်အပတ်ခရီးစဉ် သွားရောက်စဉ်အတွင်း ထိုသို့မှတ်ချက်ပြုပြောကြားခဲ့ပြီး အဖွဲ့ကြီးကို စတင်တည်ထောင်သည့် အဖွဲ့ဝင်များအနေဖြင့် နှစ်နိုင်ငံစလုံးသည် ဘရစ်၏ ကမ္ဘာလုံးဆိုင်ရာသြဇာကိုမြှင့်တင်ရန် တစိုက်မတ်မတ်လုပ်ဆောင်ခဲ့ကြောင်း ပြောကြားခဲ့သည်။

BRICS အလှည့်ကျဥက္ကဋ္ဌတာဝန်ယူမည့် အိန္ဒိယနိုင်ငံကို လာမည့်နှစ်တွင် ရုရှားက အပြည့်အဝထောက်ခံမည်ဖြစ်ကြောင်း ပူတင်က ပြောကြားခဲ့ပြီး အဖွဲ့ကြီး၏လက်ရှိအစီအစဉ်ကိုရှေ့သို့ တိုးတက်စေခဲ့သည်။

ရုရှားနှင့် အိန္ဒိယတို့သည် နိုင်ငံရေး၊ လုံခြုံရေး၊ စီးပွားရေး၊ ကုန်သွယ်ရေး၊ လူသားချင်းစာနာထောက်ထားမှုဆိုင်ရာနှင့် ယဉ်ကျေးမှုဆိုင်ရာ ဆက်ဆံရေးများ ခိုင်မာစေရေးအတွက် ဦးစားပေးလုပ်ငန်းတာဝန်များကို အလေးပေးဖော်ပြသည့် ပူးတွဲကြေညာချက်ကို ချမှတ်ခဲ့ကြောင်း ပူတင်က ပြောကြားခဲ့သည်။

အခွင့်အလမ်းများကို ဖိနှိပ်မည့်အစား ပိုမိုဖွံ့ဖြိုးတိုးတက်လာစေရန် နိုင်ငံများအနေဖြင့် အတူတကွ ပူးပေါင်းဆောင်ရွက်သင့်ကြောင်း ၎င်းက ပြောကြားခဲ့သည်။

Ref: ရှင်းဟွာ