ရုရှားနှင့်ယူကရိန်း ဇွန်၂၂ နောက်ပိုင်းငြိမ်းချမ်းရေးဆွေးနွေးရန် အသင့်ဖြစ်

စိန့်ပီတာစဘတ်၊ ဇွန် ၁၉

ရုရှားနှင့် ယူကရိန်း စေ့စပ်ညှိနှိုင်းသူများသည် ဇွန်လ ၂၂ ရက်‌နေ့နောက်ပိုင်းတွင် တို-က်ရို-က်ဆွေးနွေးပွဲများကို ပြန်လည်စတင်ရန် ပြင်ဆင်ထားကြောင်း ရုရှားသမ္မတ ဗလာဒီမာပူတင်က စိန့်ပီတာစဘတ်တွင် ကမ္ဘာ့သတင်းအေဂျင်စီကြီးများ၏ အကြီးအကဲများနှင့် တွေ့ဆုံစဉ် ကြာသပတေးနေ့တွင် ပြောကြားခဲ့သည်။

ရုရှားသမ္မတ ပူတင်က ယူကရိန်းသမ္မတ ဗိုလိုဒီမာ ဇလန်းစကီးနှင့် တွေ့ဆုံဆွေးနွေးမှုအပါအဝင် ဆွေးနွေးရန် ရုရှား၏ ပွင့်လင်းမှုကို ထပ်မံအတည်ပြုခဲ့သည်။ သို့သော် ဇလန်းစကီးအာဏာ၏ တရားဝင်မှုကို စိုးရိမ်ပူပန်မှုများ ဖြစ်ခဲ့သည်။

“ဇလန်းစကီး အပါအဝင် ဘယ်သူနဲ့မဆို တွေ့ဆုံဖို့ အဆင်သင့်ဖြစ်နေပါပြီ” ဟု ပူတင်က ပြောကြားခဲ့သည်။ “အဲဒါက ပြဿနာမဟုတ်ဘူး။ ယူကရိန်းက သူ့ဆီကို စေ့စပ်ညှိနှိုင်းဆွေးနွေးဖို့ ယုံကြည်အားထားလျှင် ဇလန်းစကီး ဖြစ်ပါစေ ဆွေးနွေးမယ်။ တကယ့်အရေးကြီးတဲ့မေးခွန်းက ဘယ်သူက ထွက်ပေါ်လာတဲ့ စာရွက်စာတမ်းတွေကို လက်မှတ်ထိုးမလဲဆိုတာပဲ။ ငါတို့က ဒီမှာ ဝါဒဖြန့်တာနဲ့မဆိုင်ဘူး၊ လေးနက်တဲ့ကိစ္စတွေ ကြုံလာတဲ့အခါ အရေးကြီးတာက နိုင်ငံရေးအချက်အလက်၊ မက်ဆေ့ချ်မဟုတ်ဘဲ တရားဝင်မှုက ပိုအရေးကြီးတာဖြစ်တယ်” ဟု ပူတင်က ပြောကြားခဲ့သည်။

ငြိမ်းချမ်းရေးဖြင့် ဆုံးဖြတ်ချက် မအောင်မြင်ပါက ရုရှားသည် ယူကရိန်းတွင် ၎င်း၏ ရည်မှန်းချက်များကို စစ်ရေးနည်းဖြင့် အကောင်အထည်ဖော်မည်ဟု ပူတင်က ပြောကြားခဲ့သည်။

“ငြိမ်းချမ်းတဲ့ စေ့စပ်ညှိနှိုင်းမှုကနေတဆင့် သဘောတူညီချက်တခုကို မရယူနိုင်ဘူးဆိုရင် ကျနော်တို့ရဲ့ ရည်မှန်းချက်ပန်းတိုင်ကို စစ်ရေးနည်းနဲ့ ပြီးမြောက်စေမှာ သေချာပါတယ်” ဟု ၎င်းက ဆိုသည်။

ရုရှားအထူးစစ်ဆင်ရေး၏ ရည်ရွယ်ချက်မှာ ယူကရိန်းကို စစ်မဲ့စေခြင်းဖြစ်ပြီး ရုရှားကို ဘေးအန္တရာယ်ဖြစ်စေနိုင်သည့် စစ်အင်အားကို ထိန်းသိမ်းထားနိုင်သည့် စွမ်းရည်ကို ဆုံးရှုံးသွားသည်မှာ သေချာအောင် ဆောင်ရွက်ခြင်းဖြစ်သည်ဟု ၎င်းက ထပ်လေ-ာင်းပြောကြားခဲ့သည်။

Ref:ရှင်းဟွာ