ရုရှနိုင်ငံမှ ဝယ်ယူထားသည့် စက်သုံးဆီများ မကြာမီ ရက်ပိုင်းအတွင်းရောက်ရှိမည်၊ ဈေးကွက်အတွင်း ဈေး နှုန်းချိုသာစွာဖြင့် ချက်ချင်း ရောင်းချမည်ဟုဆို
ရုရှနိုင်ငံမှ ဝယ်ယူထားသည့် စက်သုံးဆီများ မကြာမီ ရက်ပိုင်းအတွင်း မြန်မာနိုင်ငံသို့ ရောက်ရှိလာမည်ဖြစ်ပြီး ဈေးကွက်အတွင်း ဈေးနှုန်းချိုသာစွာပြန်လည် ရောင်းချပေးသွားမည်ဖြစ်ကြောင်း နစက ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက ပေါ် ပြူလာနယူး(စ်) သို့ ပြော သည်။
အစိုးရ၏ စက်သုံးဆီ တင်သွင်းနေမှုအခြေအနေနှင့်ပတ် သက်၍ သီးသန့် မေးမြန်းစဉ် ၎င်းက ပြန်လည်ဖြေကြားခဲ့ခြင်း ဖြစ်သည်။
” မကြာမီရက်ပိုင်းအတွင်း ရုရှနိုင်ငံကနေ ဆီတွေ ပထမအသုတ်ရောက်ရှိလာတော့မှာ ဖြစ်ပါတယ်။ အစိုးရ ဌာနဆိုင်ရာတွေ သုံးစွဲမယ့်ဆီတွေရှိတယ်။ ဒါတွေကိုလည်း ကျွန်တော်တို့က ဖြန့်ဝေပေးမယ်။ ဒါ့အပြင် ဈေးကွက်ထဲကိုလည်း ဖြန့်ဝေပါမယ်” ဟု ဗိုလ်ချုပ်ဇော်မင်းထွန်းက ပြောသည်။
အဆိုပါ စက်သုံးဆီများကို သယ်ယူပို့ဆောင်ခစ ရိတ်အ ပါအဝင် ဆိပ်ကမ်းအရောက် ဈေးနှုန်း ချိုသာစွာ ဝယ်ယူရရှိခဲ့ကြောင်းလည်း ၎င်းကဆိုသည်။
မြန်မာနိုင်ငံ၏ အဓိက သွင်းအားစုများထဲမှ တစ်ခုအပါ အဝင်ဖြစ်သည့် စက်သုံးဆီ ဈေးနှုန်း မြင့်မားမှုသည် အ ခြေခံစားသောက်ကုန်ဈေးနှုန်းမြင့်တက်မှုကို တိုက်ရိုက်သက်ရောက်မှုရှိသည့်အတွက် စက်သုံးဆီဈေးနှုန်းကို ထိန်းချုပ်နိုင်ပါက အခြေခံစား သောက်ကုန် ဈေးနှုန်းများပါ ကျဆင်းလာ နိုင်ကြောင်း ၎င်းကဆိုသည်။
” စက်သုံးဆီကတော့ အဓိကကျတာပေါ့။ စက်သုံးဆီက အဓိကကျတော့ ဈေးနှုန်း ကျဆင်းသွားတာနဲ့အမျှ အ ခြေခံ သားကုန် စားကုန်ပဲဖြစ်ဖြစ်၊ လယ်ယာထွက်ကုန်ပဲဖြစ်ဖြစ် စက်သုံးဆီအသုံးပြုပြီး ထုတ်လုပ်ရတာ၊ ပို့ဆော င်ရတာဖြစ်တဲ့အတွက် ဒီဈေးနှုန်းတွေလည်း ထိုက်သင့်တဲ့ ဈေးနှုန်းကို ပြန်လည်ကျဆင်းသွာမယ်လို့ ကျွန်တော်တို့ မျှော်မှန်းပါတယ်” ဟု ဗိုလ်ချုပ်ဇော်မင်းထွန်းက ပြော သည်။
ပြီးခဲ့သည့် ရက်ပိုင်းအတွင်း နိုင်ငံခြားငွေဈေးကွက်အတွ င်း ဈေးနှုန်းမြင့်တက်မှုများကြောင့် ပြည်တွင်း၌ စက်သုံးဆီဈေးနှုန်းအပြင် ဆန်ဈေး၊ စားသုံးဆီဈေးအပါ အ ဝင် အခြေခံ စားသောက်ကုန် ဈေးနှုန်းများ အဆမတန် မြင့်တက်ခဲ့သည့်အတွက် အစိုးရက ဝင်ရောက်ထိန်းချုပ်မှုများ လုပ်ဆောင်နေခြင်း ဖြစ်သည်။
ယခုရက်ပိုင်းအတွင်း နစက လက်အောက်ခံ ဗဟိုဘဏ်မှတဆင့် စက်သုံးဆီ တင်သွင်းသူများနှင့် စားသုံးဆီတင်သွင်းသူများအား ကန်ဒေါ်လာ သန်း ၂၀၀ ရျော် ထုတ်ချေးပေးရန် စီစဉ်ခဲ့ပြီး အဆိုပါ ချေးငွေရယူ၍ တင်သွင်းမည့် စက်သုံးဆီ တင်သွင်းသူများအနေဖြင့် ပြည်သူလူထုထံ အမြန်ဆုံး ဖြန့်ဖြူးရောင်းရချရမည် ဖြစ်ကြောင်းလည်း ၎င်းက ပြောသည်။
ထို့အပြင် အစိုးရထံမှ ဒေါ်လာချေးယူတင်သွင်းသူများအ နေဖြင့် စက်သုံးဆီဈေးနှုန်းကို သယ်ယူပို့ဆောင်ခစရိတ် ကာမိရုံ သင့်တင့်သည့်အမြတ်သာတင်၍ ဈေးကွက်အ တွင်း ပြန်လည်ရောင်းချရမည် ဟုလည်း ဆိုသည်။