ရန်ကုန်-မန္တလေး-ရန်ကုန် ပြေးဆွဲလျက်ရှိသည့် အမှတ် (၉)အဆန်နှင့် အမှတ်(၁၀)အစုန်ရထားတို့သည် ယနေ့ ဇွန် ၃၀ ရက်မှစတင်၍ လမ်းခရီး၌ တပ်ကုန်းဘူတာအစား ရမည်းသင်းဘူတာတွင်ပြောင်းလဲရပ်တန့်ပေးသွားမည်ဖြစ်ကြောင်း သိရသည်။
ရထားစီးခရီးသည်များ၏ လိုအပ်ချက်နှင့် ခရီးသည်လိုက်ပါစီးနင်းမှုတို့အရ ရမည်းသင်းဘူတာတွင် ပြောင်းလဲရပ်တန့်ခြင်းဖြစ်ပြီး ယင်း ရထားခရီးစဥ်များကို စပိန်နိုင်ငံထုတ် DEMU အမြန်ရထားဖြင့် ဇွန် ၁ ရက်မှစ တင်ကာပြေးဆွဲပေးလျက်ရှိခြင်းဖြစ်ကြောင်း သိရသည်။
အဆိုပါ ရထားများသည် ရန်ကုန်ဘူတာကြီးနှင့် မန္တလေးဘူတာကြီးတို့၌စတင်ထွက်ခွာပြီး လမ်းခရီး၌ တိုးကြောင်ကလေး၊ ပဲခူး၊ ဖြူး၊ တောင်ငူ၊ နေပြည်တော်၊ ရမည်းသင်း၊ ပျော်ဘွယ်နှင့် သာစည်ဘူတာများတွင်ရပ်တန့်ကြောင်း သိရသည်။