ရန်ကုန်-မန္တလေး အမြန်လမ်းမကြီး ၊ မိုင်တိုင်အမှတ် (၃၄၆ /ဝ) ဖာလုံအနီးတွင် ခရီးသည်တင်ယာဉ်တစ်စီး တိမ်းမှေ-ာက်မှု ဖြစ်ပွားရာ ယာဉ်ပေါ်ပါသူများအနက် (၉)ဦး ထိခိုက်ဒဏ်ရာများရခဲ့ကြောင်း အမြန်လမ်း မီးသတ်တပ်ဖွဲ့မှ သိရသည်။
ယနေ့ မတ်လ (၂၀)ရက်၊ နံနက်အစောပိုင်း (၄)နာရီ၊ မိနစ် (၄၀) အချိန်ခန့်က အဆိုပါ နေရာတွင် ယာဉ်မတော်တဆမှု ဖြစ်ပွားကြောင်း သတင်းအရ စကားအင်းအမြန်လမ်းမီးသတ်စခန်းမှတပ်ဖွဲ့ဝင်များ၊ စကားအင်း အမြန်လမ်းရဲစခန်းမှ စခန်းမှူး အပါအဝင်(၉)ဦးနှင့်အတူ ကူညီကယ်ဆယ်ရေး လုပ်ငန်းများ သွားရောက်ဆောင်ရွက်ခဲ့ရကြောင်း သိရသည်။
ဖြစ်စဉ်တွင် နေပြည်တော်ဘက်မှ မန္တလေးဘက်သို့ မောင်းနှင်လာသော၊ YUTONG အမျိုးစား၊ ဖြူဝါနီရောင် Express ခရီးသည်တင်ယာဉ်မှာ မိုင်တိုင်အမှတ်(၃၄၆/ဝ) ဖာလုံအနီးရောက် ယာဉ်မောင်းအိပ်ငိုက်ပြီး လမ်းလယ်ကျွန်းအား ဝင်ရောက်တို-က်မိပြီး ရှိန်မထိန်းနိုင်ဘဲတိမ်းမှောက်ရပ်တန့်သွးခဲ့ကြောင်း သိရသည်။
ယာဉ်မတော်တဆမှုကြောင့် ယာဉ်ပေါ်မှ ယာဉ်မောင်းအပါ (၂၆)ဦးအနက်၊ အမျိုးသား (၁)ဦး၊ အမျိုးသမီး (၈)ဦး၊ စုစုပေါင်း (၉) ဦး ထိခိုက်ဒဏ်ရာများရရှိခဲ့သဖြင့် EMS 192 လူနာတင်ယာဉ်ဖြင့်၊ တံတားဦးမြို့နယ် ပြည်သူ့ဆေးရုံသို့ ပို့ဆောင်ကူညီးပေးခဲ့ကြောင်း သိရသည်။