ရန်ကုန်၊ စက်တင်ဘာ ၇
ရန်ကုန် – နေပြည်တော် လမ်းပိုင်း၌ ပြေးဆွဲပေးလျက်ရှိသည့် အမှတ် (၈) အစုန် DEMU လူစီးအမြန်ရထားကို ခဲဖြင့်ပ-စ်ပေ-ါက်ခဲ့သူအား CCTV မှတ်တမ်းများနှင့် တိုက်ဆိုင်စစ်ဆေး၍ ဖမ်းဆီးအရေးယူထားကြောင်း သိရသည်။
ဖြစ်စဉ်မှာ စက်တင်ဘာ ၅ ရက် ညနေပိုင်းက နေပြည်တော်မှ ရန်ကုန်ဘူတာကြီးသို့ ခရီးဆုံးရောက်ရှိပြီး တွဲဆိုင်းသိမ်းဆည်းရန် အင်းစိန်မြို့ပတ် ဒီဇယ်စက်ခေါင်းရုံသို့ ထွက်ခွာလာသည့် DEMU ရထားသည် ကြည့်မြင်တိုင်ဘူတာအဝင် ဘုန်းကြီးကျောင်းလမ်းကူးအရောက်တွင် ခဲဖြင့်ပ-စ်ပေ-ါက်ခံခဲ့ရခြင်း ဖြစ်သည်။ အဆိုပါ ပ-စ်ပေ-ါက်မှုကြောင့် DEMU (U) 5020 အထက်တန်းတွဲ၏ လေကာမှန် နှစ်လက်မခန့် ပေါက်ထွက်ကြေမွ ပျက်စီးခဲ့သည်။
ဖြစ်စဉ်ဖြစ်ပွားပြီးနောက် လှည့်ကင်း၊ ဝပ်ကင်းများဖြင့် ဝိုင်းပတ်ပိတ်ဆို့ ရှာဖွေခဲ့ရာ စက်တင်ဘာ ၆ ရက် နံနက် ၃ နာရီတွင် အလုံမြို့နယ်နှင့် ရှမ်းလမ်းဘူတာအကြား၌ တင်ထွန်း (ခ) ဂနေးစား (၄၁) နှစ်အား ဖမ်းဆီးရမိခဲ့ပြီး CCTV မှတ်တမ်းများနှင့် တိုက်ဆိုင်စစ်ဆေးမှုအရ စမ်းချောင်းမြို့မရဲစခန်းတွင် ရထားပို့ဆောင်ရေးလုပ်ငန်းဥပဒေပုဒ်မ (၈၄) ဖြင့် အမှုဖွင့် အရေးယူထားသည်။
ထို့ပြင် စက်တင်ဘာ ၄ ရက်ကလည်း အဆိုပါ DEMU ရထား၏ ပထမတန်းတွဲအား ခဲဖြင့်ပ-စ်ပေ-ါက်ခဲ့သည့် အမှုမှာလည်း ၎င်း၏လက်ချက်ဖြစ်ကြောင်း ထပ်မံပေါ်ပေါက်ခဲ့သည်။
မြန်မာ့မီးရထား၏ ရထားပို့ဆောင်ရေးလုပ်ငန်းဥပဒေ ပုဒ်မ (၈၄) အရ ရထားအား ခဲဖြင့်ပ-စ်ပေ-ါက်ပါက ထောင်ဒ-ဏ် အနည်းဆုံး ၅ နှစ်မှ အနှစ် ၂၀ အထိ ချမှတ်နိုင်သည့်အပြင် ငွေဒ-ဏ်လည်း ကျခံရမည်ဖြစ်ရာ ပြည်သူများအနေဖြင့် အများပြည်သူသုံး ရထားတွဲဆိုင်းများအား ထိခိုက်ပျ-က်စီးအောင် မပြုလုပ်ကြရန်နှင့် ဝိုင်းဝန်းပူးပေါင်း ထိန်းသိမ်းကြရန် နှိုးဆော်ထားသည်။