ရန်ကုန်တိုင်းဒေသကြီး၊ ကျောက်တန်းမြို့၏ အရှေ့တောင်ဘက် (၂၄) ကီလိုမီတာခန့်အကွာ ပင်လယ်ပြင်ကို ဗဟိုပြု၍ ယနေ့ (မေလ ၁၈ ရက်) နံနက် ၈ နာရီ ၃၅ မိနစ်အချိန်ခန့်က ရစ်ခ်တာစကေး ၅.၂ အဆင့်ရှိ အင်အားပြင်း သော မြေငလျင်တစ်ခု လှုပ်ခတ်သွားကြောင်း အန်ဒရွိုက်ငလျင်သတိပေးစနစ် (Android Earthquake Alerts System) အရ သိရသည်။
အဆိုပါ ငလျင်လှုပ်ခတ်မှုကြောင့် ရန်ကုန်မြို့တွင်းရှိ မြို့နယ်များနှင့် ကပ်လျက်တည်ရှိသော ဖျာပုံ၊ ဘိုကလေး၊ ပဲခူး၊ သထုံ စသည့် မြို့များတွင်လည်း မြေပြင်တုန်ခါမှုလှိုင်းများကို သိသိသာသာ ခံစားခဲ့ရကြောင်း ဒေသခံများ၏ ပြောပြချက်အရ သိရသည်။ ငလျင်လှုပ်ခတ်မှုကြောင့် လူနှင့် အဆောက်အအုံ ထိခိုက်ပျက်စီးမှု အခြေအနေ အသေးစိတ်ကိုမူ သက်ဆိုင်ရာ တာဝန်ရှိသူများက ဆက်လက်စုံစမ်းစစ်ဆေးလျက် ရှိသည်။