ရန်ကုန်တက္ကသိုလ်ဘွဲ့နှင်းသဘင်၊ စိန်ရတုခန်းမနှင့် မြို့ တွင်းဖွံ့ဖြိုးရေးလုပ်ငန်းများဖြစ်သည့် လျှပ်စစ်ဓာတ်အားလိုင်းများသွယ်တန်းထားရှိမှုအပါအဝင် ကန်များ ပြုပြင်နေမှု၊ ရေစီးရေလာကောင်းမွန်ရေးဆောင်ရွက်နေမှုများကို ရန်ကုန်တိုင်းဝန်ကြီးချုပ်ဦးအောင်နိုင်သူက ယနေ့ မေ ၂၃ ရက်တွင်ကြည့်ရှုစစ်ဆေးခဲ့သည်။
ရန်ကုန်တိုင်းဝန်ကြီးချုပ်က ရန်ကုန်တက္ကသိုလ် ဘွဲ့နှင်း သဘင်ခန်းမရှေ့သစ်ပင်စိုက်ပျိုးမည့်နေရာနှင့် ဘွဲ့နှင်း သဘင်ခန်းမ၊ ကမာရွတ်မြို့နယ် ပြည်လမ်းရှိ စိန်ရတုခန်းမတို့အား ကြည့်ရှုစစ်ဆေးခဲ့သည်။
ထို့ပြင် မရမ်းကုန်းမြို့နယ်၊ ကမ္ဘာအေးဘုရားလမ်းပေါ်ရှိ လျှပ်စစ်မီးကြိုးများသွယ်တန်းထားရှိမှု၊ ဒဂုံမြို့သစ် (မြောက်ပိုင်း)မြို့နယ်၊ အမှတ်(၃၄)ရပ်ကွက်ရှိ ယမနေကန်နှင့် ကန်တော်မင်္ဂလာကန်ပြုပြင်နေမှု၊ ဒဂုံမြို့သစ် (အရှေ့ပိုင်း)မြို့နယ်၊ အမှတ်(၈)ရပ်ကွက်ရှိ နောင်ရိုးချောင်း ရေစီးရေလာကောင်းမွန်ရေး ရေမြောင်းရှင်း လင်းနေမှုတို့ကိုလည်း ကြည့်ရှုစစ်ဆေးခဲ့သည်။
ထို့အတူ ဒဂုံမြို့သစ်(တောင်ပိုင်း)မြို့နယ်၊ ဧရာဝဏ်လမ်းမကြီးတစ်လျှောက် ရေစီးရေလာကောင်းမွန်စေရေးဆောင်ရွက်နေမှု၊ ဒဂုံမြို့သစ်(ဆိပ်ကမ်း)မြို့နယ်၊ အမှတ်(၁၆၈)ရပ်ကွက်၊ ဦးတရုတ်ချောင်း ရေစီးရေလာကောင်းမွန်စေရန် ဆောင်ရွက်နေမှု၊ သာကေတမြို့နယ်၊ (၇/အရှေ့)ရပ်ကွက်ရှိ အမှတ်(၁၂)မြစ်ထွက်ပေါက်အား ရေစီးရေလာပိတ်ဆို့မှုမရှိစေရေး၊ ရန်ပြေလမ်းနှင့် ပြည်တော်အေးလမ်းကြားရှိ အမှတ်(၃)မြစ်ထွက်ပေါက်အား ရေစီးရေလာကောင်းမွန်စေရန် ကွန်ကရစ်လေးထောင့်ရေမြောင်းတည်ဆောက်နေမှုတို့ကိုလည်း ကြည့်ရှုစစ် ဆေးခဲ့သည်။
ထို့ပြင် သာကေတမြို့နယ်၊ (၂/မြောက်)ရပ်ကွက် Fortune Plaza အရှေ့ဘက်နှင့် ဘေးပတ်လည်တွင် ရေ စီးရေလာကောင်းမွန်စေရန် ရေမြောင်းဆယ်ယူရှင်း လင်းနေမှုတို့ကိုလည်း ကြည့်ရှုစစ်ဆေးခဲ့သည်။