ရနောင်းမြို့၌ပိတ်မိနေသည့် Border Pass ကိုင်ဆောင်ထားသည့် မြန်မာနိုင်ငံသား ၁၆၀ ကျော်အား အမြန်ဆုံးအလုပ်ခန့်ထားနိုင်ရန် ညှိနှိုင်းဆောင်ရွက်လျက်ရှိ
ထိုင်းနိုင်ငံ၊ရနောင်းမြို့ရှိ အဆောက်အဦးတစ်ခု၌ ပိတ်မိနေသည့် Border Pass ကိုင်ဆောင်ထားသည့် မြန်မာနိုင်ငံသား ၁၆၆ ဦးအား အမြန်ဆုံးအလုပ်ခန့်ထားနိုင်ရန် အလုပ်စမားသံအရာရှိရုံးမှတာဝန်ရှိသူများက အလုပ်ရှင်နှင့်ညှိနှိုင်းဆောင်ရွက်လျက်ရှိသည်။
ရနောင်းရှိ အဆောက်အဦးတစ်ခု၌ မြန်မာနိုင်ငံသားများပိတ်မိနေကြောင်း သိရှိရသဖြင့် အလုပ်သမားသံအရာရှိရုံးမှတာဝန်ရှိသူများက အဆိုပါ မြန်မာနိုင်ငံသားများနှင့် သြဂုတ် ၉ ရက်တွင်ဆက်သွယ်ခဲ့သည်။
ထိုသို့ ဆက်သွယ်ခဲ့ပြီးနောက် ပိတ်မိနေသည့် မြန်မာနိုင်ငံသား အမျိုးသား ၁၀၀ ဦးနှင့်အမျိုးသမီး ၆၆ ဦး(စုစုပေါင်း ၁၆၆ ဦး)ရှိကြောင်း သိရှိခဲ့ရကာ ၎င်းတို့ထဲမှအချို့သည် နေရပ်ပြန်လိုသူများ ထိုင်းနိုင်ငံ၌ပင် အလုပ်လုပ်ကိုင်လိုသူများ ဆွေမျိုးများထံသွားရောက်လိုသူများရှိနေကြောင်း သိရှိခဲ့ရသည်။
ထို့ကြောင့် သြဂုတ် ၁၀ ရက်တွင် ထိုင်းပွဲစားထံမှအချက်အလက်များနှင့်အထောက်အထားများရရှိခဲ့ပြီး သြဂုတ် ၁၁ ရက်ညနေ ၅ နာရီခွဲတွင် ပိတ်မိနေသည့် မြန်မာနိုင်ငံသားများအား အလုပ်သမားသံအရာရှိရုံးမှတာဝန်ရှိသူများက သွားရောက်တွေ့ဆုံခဲ့သည်။
ထိုသို့ တွေ့ဆုံပြီးနောက် စုံစမ်းမေးမြန်းရာ အဆိုပါ မြန်မာနိုင်ငံသားများသည် ထိုင်းနိုင်ငံ၌အလုပ်လုပ်ကိုင်ရန် ထိုင်းအလုပ်အကိုင်ဌာနတွင် စာရင်းပေးသွင်းပြီးဖြစ်ကြောင်း စိစစ်တွေ့ရှိခဲ့ရသဖြင့် အလုပ်ရှင်များမှ အမြန်ဆုံးအလုပ်ခန့်ထားနိုင်ရန် ညှိနှိုင်းလျက်ရှိသည်။
ထို့ပြင် ရနောင်းအလုပ်သမားသံအရာရှိမှလည်း မြန်မာနိုင်ငံသားများအား ရေသန့်၊အချိုရည်၊ဆန်၊ဆီ၊ဆား တို့အားထောက်ပံ့ပေးခဲ့ကာ အလုပ်ရရှိသည့်အချိန်အထိ တာဝန်ယူကျွေးမွေးနိုင်ရန် တာ ဝန်ရှိသူများအား မှာကြားခဲ့သည်။
အလုပ်သမားသံအရာရှိရုံးမှ အလုပ်သမားများအား ဥပဒေပိုင်းဆိုင်ရာအကာအကွယ်နှင့်ဆောင် ရွက်ပေးနိုင်မည့် အခြေအနေများကို ဆက်လက်ကူညီဆောင်ရွက်ပေးသွားမည်ဖြစ်ကြောင်း သိရသည်။