ပေကျင်း၊ ဖေဖော်ဝါရီ ၁၈
တရုတ်နိုင်ငံသည် ယူကရိန်းအရေးအခင်းကို ဖြေရှင်းရန် အမေရိကနှင့် ရုရှားအကြား ဆွေးနွေးမှုများအပါအဝင် ငြိမ်းချမ်းရေး ကြိုးပမ်းမှုအားလုံးကို ကြိုဆိုသည်ဟု တရုတ်နိုင်ငံခြားရေးဝန်ကြီးဌာန ပြောခွင့်ရ ဂွို ဂျီယာကွန် က အင်္ဂါနေ့တွင် ပြောကြားခဲ့သည်။ တရုတ်နိုင်ငံသည် ငြိမ်းချမ်းရေးဆွေးနွေးပွဲ လုပ်ငန်းစဉ်တွင် ပါဝင်သူများနှင့် အကျိုးစီးပွားပါဝင်ပတ်သက်သူ အားလုံးသည် သင့်လျော်သော အချိန်တွင် ငြိမ်းချမ်းရေးဆွေးနွေးမှု လုပ်ငန်းစဉ်၌ ပါဝင်နိုင်ကြမည်ဟု မျှော်လင့်ကြောင်းလည်း သူက ထပ်မံပြောကြားခဲ့သည်။
ဂွို ဂျီယာကွန်က ပုံမှန်သတင်းစာရှင်းလင်းပွဲတွင် တရုတ်နိုင်ငံသည် တွေ့ဆုံဆွေးနွေးမှုနှင့် စေ့စပ်ညှိနှိုင်းမှုကသာ အကျပ်အတည်းများကို ဖြေရှင်းနိုင်သည့် တစ်ခုတည်းသော ထိရောက်သည့် နည်းလမ်းဖြစ်သည်ဟု ယုံကြည်ပြီး ငြိမ်းချမ်းရေးဆွေးနွေးမှုများကိုမြှင့်တင်ဆောင်ရွက်ရန် သန္နိဋ္ဌာန်ချမှတ်ထားကြောင်း ပြောကြားခဲ့သည်။
ဆော်ဒီအာရေးဗျနိုင်ငံ၊ ရီယာ့ဒ်မြို့တွင် အင်္ဂါနေ့က ကျင်းပသည့် အမေရိကန်နှင့် ရုရှားအရာရှိများက ယူကရိန်းမပါဘဲတွေ့ဆုံသည့် အစည်းအဝေးနှင့်ပတ်သက်၍ မေးမြန်းမှုအပေါ် ၎င်းကထိုကဲ့သို့ မှတ်ချက်ပြု ပြောကြားခဲ့ခြင်း ဖြစ်သည်။
Ref: ရှင်းဟွာ