ပေကျင်း၊ ဒီဇင်ဘာ ၃၀
ပေကျင်းနှင့်ဝါရှင်တန်တို့အကြားဆက်ဆံရေးကို တည်ငြိမ်စေရန်ကြိုးပမ်းနေချိန်တွင် တရုတ်နိုင်ငံ၌ ယခင်အမေရိကန်နိုင်ငံဆိုင်ရာတရုတ်သံအမတ်ကြီး မစ္စတာချင်ဂန်အား နိုင်ငံခြားရေးဝန်ကြီးအဖြစ်တိုးမြှင့်ခန့်အပ်ခဲ့ကြောင်းသိရှိရသည်။
၎င်းအား ယခင်နိုင်ငံခြားရေးဝန်ကြီးဟောင်းမစ္စတာဝမ်ယိနေရာ၌အစားထိုးခန့်အပ်ခဲ့ခြင်းဖြစ်ပြီး မစ္စတာဝမ်ယိသည် တရုတ်ကွန်မြူနစ်ပါတီ၏ နိုင်ငံရေး ဦးဆောင်အဖွဲ့ဝင်အဖြစ်ပြီးခဲ့သည့် အောက်တိုဘာလကရာထူးတိုးမြှင့်ခြင်းခံခဲ့ရသည်။
လူသားအားလုံး၏ဖြစ်လေ့ဖြစ်ထရှိသော စိန်ခေါ်မှုများကိုဖြေရှင်းရာ၌ သံတမန်ရေးတွင် တရုတ်နိုင်ငံ၏ ဉာဏ်ပညာ၊ကိုယ်စွမ်းကိုယ်စနှင့် နိုင်ငံ့အင်အားတို့ကိုပံ့ပိုးပေးမည်ဖြစ်ကြောင်းလည်း မစ္စတာချင်ဂန်က ၎င်း၏ပထမဆုံးမှတ်ချက်တွင်ပြောကြားခဲ့သည်။
မစ္စတာချင်သည် တရုတ်နိုင်ငံခြားရေးဝန်ကြီးဌာန၌ ရာထူးအမျိုးမျိုးဖြင့် တာဝန်ထမ်းဆောင်ခဲ့ဖူးသူတစ်ဦးလည်းဖြစ်သည်။
၂၀၀၆ ခုနှစ်မှ ၂၀၁၄ ခုနှစ်အတွင်း ဝန်ကြီးဌာန၏ပြောရေးဆိုခွင့်ရှိသူအဖြစ်လည်းကောင်း၊၂၀၁၄ ခုနှစ်မှ ၂၀၁၈ ခုနှစ်အတွင်းကလည်း သံတမန် ရေးရာဌာန အကြီးအကဲတစ်ဦးအဖြစ်လည်းဆောင်ရွက်ခဲ့ဖူးသူဖြစ်ကြောင်းသိရှိရသည်။
Source : Reuters