လာမည့် အပိုင်း(၂) ရွေးကောက်ပွဲကို မွန်ပြည်နယ်အတွင်းမှ မြို့နယ်(၄) မြို့နယ်ဖြစ်သည့် ဘီးလင်း၊ မုဒုံ၊ သံဖြူဇရပ်နှင့် ရေးမြို့နယ်တို့တွင် ကျင်းပသွားမည်ဖြစ်ကြောင်း သိရသည်။
ပြီးဆုံးခဲ့သည့် ရွေးကောက်ပွဲ အပိုင်း(၁)တွင် မော်လမြိုင်၊ ကျိုက်မရော၊ ချောင်းဆုံ၊ ကျိုက်ထိုနှင့် သထုံမြို့တွင် ကျ င်းပခဲ့ပြီးဖြစ်သည်။
ရွေးကောက်ပွဲအပိုင်း(၂)ကို ၂၀၂၆ ခုနှစ်၊ ဇန်နဝါရီလ (၁၁) ရက်တွင် ဆက်လက်ကျင်းပမည်ဖြစ်ရာ ပါတီစုံဒီမိုကရေစီအထွေထွေရွေးကောက်ပွဲအပိုင်း(၂) အောင်မြင်စွာကျင်းပနိုင်ရေးအတွက် ဝိုင်းဝန်းကူညီကြရန် မွန်ပြည်နယ် အစိုးရ အဖွဲ့လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးကျော်စွာမြင့်က တိုက်တွန်းပြောကြားထားသည်။
ယမန်နေ့ ဒီဇင်ဘာလ (၃၀) ရက်က မော်လမြိုင်မြို့၊ ပြည်နယ် အစိုးရအဖွဲ့ရုံး အောင်ဆန်းခန်းမ၌ ကျင်းပပြုလုပ်သည့် ပါတီစုံဒီမိုကရေစီ အထွေထွေရွေးကောက်ပွဲအပိုင်း(၂) အောင်မြင်စွာ ကျင်းပနိုင်ရေးလုပ်ငန်း ညှိနှိုင်းအစည်းအဝေး၌ ပြောကြားခဲ့ခြင်းဖြစ်သည်။
၂၀၂၅ ခုနှစ် ပါတီစုံဒီမိုကရေစီ အထွေထွေရွေးကောက်ပွဲ အပိုင်း(၁)၏ အားနည်းချက်၊ အားသာချက်များအား စံနမူနာယူ၍ ယခုကျင်းပပြုလုပ်မည့် အပိုင်း (၂) အောင်မြင်စွာကျင်းပနိုင်ရေးအတွက် ကော်မတီဝင်များက ဝိုင်းဝန်းကူညီဆောင်ရွက်ကြရန် တိုက်တွန်းပြောကြားခဲ့သည်။
ဓာတ်ပုံ – ရွေးကောက်ပွဲအပိုင်း(၁)တွင် မဲပေးနေကြသည့် မြင်ကွင်းပုံရိပ်အချို့