မွန်ပြည်နယ်၏ စားသုံးဆီဖူလုံမှုရှိစေရန် ပြည်ပနိုင်ငံများမှ ဆီတင်သွင်းမှု လျှော့ချရန်နှင့် နိုင်ငံခြားငွေသုံးစွဲမှု လျော့နည်းစေရန် ဆီထွက်သီးနှံ စိုက်ဧကများ တိုးချဲ့စိုက်ပျိုးရေး၊ သွင်းအားစုများ ထောက်ပံ့ပေးရေးတို့ကို ဆောင်ရွက်လျက်ရှိကြောင်း မွန်ပြည်နယ် ဝန်ကြီးချုပ် ဦးအောင်ကြည်သိန်းက ပြောဆိုလိုက်သည်။
မွန်ပြည်နယ်အတွင်း စားသုံးဆီဖူလုံစေရေးအတွက် ဆီထွက်သီးနှံ စိုက်ပျိုးနိုင်ရေး လုပ်ငန်းညှိနှိင်း အစည်းအဝေးကို ဇွန် (၂၀)ရက် နံနက်ပိုင်းက ပြည်နယ်အစိုးရအဖွဲရုံး အောင်ဆန်းခန်းမ၌ ကျင်းပပြုလုပ်ရာ၌ မွန်ပြည်နယ်ဝန်ကြီးချုပ် ဦးအောင်ကြည်သိန်းက ပြောဆိုခဲ့ခြင်းဖြစ်သည်။
နိုင်ငံတော်၏ အမျိုးသားရေး ရည်မှန်းချက် ဖြစ်သည့် “တိုင်းပြည်သာယာဝပြောရေးနှင့် စားရေရိက္ခာဖူလုံရေး” အဓိက ဦးစားပေးဆောင်ရွက်လျက်ရှိရာ မွန်ပြည်နယ်၏ စားသုံးဆီဖူလုံမှုရှိစေရန်၊ ပြည်ပနိုင်ငံများမှ ဆီတင်သွင်းမှု လျှော့ချစေရန်နှင့် နိုင်ငံခြားငွေသုံးစွဲမှု နည်းစေရန်အတွက် ဆီထွက်သီးနှံ စိုက်ဧကများ တိုးချဲ့စိုက်ပျိုးရေး၊ သွင်းအားစုများ ထောက်ပံ့ပေးရေးဆောင်ရွက်လျက်ရှိကြောင်း မွန်ပြည်နယ်ဝန်ကြီးချုပ် ဦးအောင်ကြည်သိန်းက ပြောသည်။
မွန်ပြည်နယ်အနေဖြင့် ၂၀၂၃-၂၀၂၄ ခုနှစ်တွင် မိုးစပါး (၆ ၉၆၂၉၈) ဧက၊ နွေစပါး (၄၈၆၆၆) ဧက စိုက်ပျိုးပြီး ဆန်ဖူလုံမှု (၁၃၅.၄၉) ရာခိုင်နှုန်းရှိပြီး ဆီထွက်သီးနှံများဖြစ်သည့် မြေပဲ (၂၀၀၄၈) ဧက၊ နှမ်း (၂၁၂၇) ဧကနှင့် နေကြာ (၁၀ ၈၀၂) ဧက စုစုပေါင်း(၃၂၉၇၇) ဧက စိုက်ပျိုးနိုင်ခဲ့၍ ဆီဖူလုံမှုအနေဖြင့် (၁၇.၈၁) ရာခိုင်နှုန်းသာ ရရှိပါသဖြင့် ဆီထွက်သီးနှံများကို စိုက်ဧက တိုးချဲ့စိုက်ပျိုးရန် လိုအပ်လျက်ရှိပြီး အထွက်နှုန်း တိုးတက်ရေးကို ကြိုးစားဆောင်ရွက်သွားရမှာဖြစ်ကြောင်း ဝန်ကြီးချုပ်က ပြောသည်။
တက်ရောက်လာသူများက ထပ်မံစိုက်ပျိုးမည့် အခြေအနေများ၊ လုပ်ငန်းဦးစီးဇယားရေးဆွဲခြင်း(Crops Patten) ဆောင်ရွက်မှုအခြေအနေများကို ဆွေးနွေးခဲ့ကြောင်း သိရသည်။
