အငြင်းပွားဖွယ်ရာ ပင်လယ်နယ်နိမိတ်ကို ဖြ-တ်ကျေ-ာ်ဝင်ရောက်လာသော မြောက်ကိုရီးယား ကုန်တင်သင်္ဘောတစ်စီးကို တောင်ကိုရီးယားတပ်ဖွဲ့ဝင်များက တစ်နာရီခန့်ကြာသည်အထိ သတိပေးပ-စ်ခ-တ်မှုများပြုလုပ်ခဲ့ကြောင်း တာဝန်ရှိသူများက ပြောကြားသည်။
တောင်ကိုရီးယားစစ်တပ်၏ ပြောကြားချက်အရ အဆိုပါ မြောက်ကိုရီးယားသင်္ဘောသည် ဒေသစံတော်ချိန် သောကြာနေ့ နံနက် ၅ နာရီခန့် (G.M.T. ည ၈ နာရီ) တွင် တောင်ကိုရီးယားနယ်စပ်ရှိ ဘယ်ယောင်းကျွန်း (Baengnyeong) အနီးရှိ မြောက်ပိုင်း ကန့်သတ်မျဉ်း (NLL) ကို ဖြတ်ကျော်ခဲ့ပြီး၊ ပင်လယ် နယ်နိမိတ်၏ တောင်ဘက်ခြမ်းတွင် တစ်နာရီကြာနေထိုင်ခဲ့ကာ ပိုင်းခြားထားသော မျဉ်း၏ တောင်ဘက် ၅ ကီလိုမီတာ (၃.၁ မိုင်) အထိပါ ကျော်လွန်ဝင်ရောက်ခဲ့ကြောင်း သိရသည်။
တောင်ကိုရီးယား ပူးပေါင်းစစ်ဦးစီးချုပ်ရုံး (JCS) က ထုတ်ပြန်ချက်တွင် “ကျွန်ုပ်တို့ တပ်ဖွဲ့ဝင်များက သတိပေးချက် ထုတ်ပြန်ကာ၊ သတိပေးပ-စ်ခ-တ်မှုများပြုလုပ်ခဲ့ပြီးနောက် မြောက်ကိုရီးယား ကုန်တင်သင်္ဘောသည် ကျွန်ုပ်တို့၏ ပိုင်နက်ရေပြင်မှ ထွက်ခွာသွားခဲ့သည်” ဟု ပြောကြားသည်။
“ကျွန်ုပ်တို့ စစ်တပ်က မြောက်ကိုရီးယား၏ လှုပ်ရှားမှုများကို အနီးကပ်စောင့်ကြည့်ခဲ့ပြီး စစ်ဆင်ရေး လုပ်ထုံးလုပ်နည်းများနှင့်အညီ တုံ့ပြန်ဆောင်ရွက်ခဲ့သည်” ဟုလည်း JCS က ပြောသည်။
တောင်ကိုရီးယား စစ်တပ်က သတိပေးပ-စ်ခ-တ်မှု ဒါဇင်နှင့်ချီ ပြုလုပ်ခဲ့ပြီးနောက် မြောက်ကိုရီးယားသင်္ဘောသည် တောင်ကိုရီးယား၏ ရေကြောင်းထိန်းချုပ်နယ်မြေမှ ထွက်ခွာသွားကြောင်း အာဏာပိုင်များက ပြောကြားသည်။ နယ်နိမိတ်ကျူးကျော်မှုဖြစ်ပွားစဉ် တောင်ကိုရီးယား ရေတပ်စစ်ရေယာဉ်တန်း သည် ထိုဧရိယာ၌ စစ်ဆင်ရေးများ လုပ်ဆောင်နေကြောင်းကိုလည်း ၎င်းတို့က အစီရင်ခံခဲ့သည်။
ဤဖြစ်စဉ်သည် မြောက်ကိုရီးယား ဒုတိယနိုင်ငံခြားရေးဝန်ကြီး ကင်ဆွန်ဂယောင်း (Kim Son-gyeong) နယူးယောက်တွင် ကျင်းပမည့် ၈၀ ကြိမ်မြောက် ကုလသမဂ္ဂ အထွေထွေညီလာခံသို့ တက်ရောက်ရန် စီစဉ်ထားချိန်တွင် ဖြစ်ပွားခဲ့ခြင်းလည်း ဖြစ်သည်။ မြောက်ကိုရီးယားဘက်မှမူ ယခုဖြစ်စဉ်နှင့်ပတ်သက်၍ တစ်စုံတစ်ရာ မှတ်ချက်ပေးခြင်း မရှိသေးပေ။
JCS က ထုတ်ပြန်ချက်တွင် “ကျွန်ုပ်တို့သည် ကျွန်ုပ်တို့၏ အသင့်ပြင်ဆင်မှု အနေအထားကို ခိုင်မာစွာ ထိန်းသိမ်းထားမည်ဖြစ်ပြီး NLL ကို ကာကွယ်ရန် မည်သည့်အခြေအနေမျိုးကိုမဆို ပြ-တ်သားစွာ တုံ့ပြန်သွားမည်ဖြစ်သည်” ဟု ထပ်လောင်း ပြောကြားခဲ့သည်။
သောကြာနေ့ကဖြစ်ပွားခဲ့သော ဤဖြစ်ရပ်သည် မြောက်ကိုရီးယား သင်္ဘောတစ်စီးက NLL ကို ကျော်လွန်၍ ဝင်ရောက်လာခြင်းမှာ သုံးနှစ်အတွင်း ပထမဆုံးအကြိမ် ဖြစ်သည်။ ၂၀၂၂ ခုနှစ်၊ အောက်တိုဘာလကလည်း မြောက်ကိုရီးယား ကုန်တင်သင်္ဘောတစ်စီးသည် ပိုင်းခြားမျဉ်းကို ချိုးဖေ-ာက်ခဲ့ပြီး တောင်ကိုရီးယား စစ်သင်္ဘော၏ သတိပေးပ-စ်ခ-တ်မှုကြောင့် ပြန်လည်ထွက်ခွာသွားခဲ့ဖူးသည်။