မြောက်ကိုရီးယားသည် ၎င်း၏ တာလတ်ပစ် မြန်နှုန်းမြင့် ပဲ့ထိန်းဒုံးကျည် အသစ်ကို ဇန်နဝါရီ ၆ ရက်က စမ်းသပ်ပစ်လွှတ်ခဲ့ကြောင်း ကိုရီးယား ဗဟိုသတင်းအေဂျင်စီ (KCNA) က အင်္ဂါနေ့တွင် ရေးသားဖော်ပြခဲ့သည်။
“ပြုံယမ်းမြို့ဆင်ခြေဖုံးရှိ ဒုံးကျည်ပစ်လွှတ်သည့်နေရာမှ အရှေ့မြောက်ဘက်သို့ အသံထက်မြန်သော ဒုံးကျည်သည် စီစဉ်ထားသည့်အတိုင်း ပျံသန်းနိုင်ခဲ့သည်။ အသံ၏ အမြန်နှုန်း၏ ဆယ့်နှစ်ဆ မြန်နှုန်းဖြင့် ပျံသန်းခဲ့ပြီး ပင်လယ်ပြင်ရှိ ပစ်မှတ်များကို တိကျစွာ ထိမှန်ခဲ့သည်” ဟု KCNAက ရေးသား ဖော်ပြခဲ့သည်။
မြောက်ကိုရီးယားခေါင်းဆောင် ကင်ဂျုံအန်းသည် နိုင်ငံ၏ နောက်ဆုံးပေါ် ပဲ့ထိန်းဒုံးကျည် စမ်းသပ်ပစ်လွှတ်မှုကို ကိုယ်တိုင် ကြီးကြပ်ကွပ်ကဲခဲ့ကြောင်း အေဂျင်စီ၏ အဆိုအရ သိရသည်။
အောင်မြင်သော စမ်းသပ်ပစ်လွှတ်မှုအပြီးတွင် ကင်ဂျုံအွန်း၏ ပြောကြားချက်ကို ကိုးကား၍ KCNA မှ ပြောကြားရာတွင် “ရန်လိုသော လုံခြုံရေး ခြိမ်းခြောက်မှုများကို ရင်ဆိုင်ရန် ရန်လိုသော လုံခြုံရေး ခြိမ်းခြောက်မှုများကို ရင်ဆိုင်ရန်အတွက် ကျွန်ုပ်တို့သည် အစွမ်းထက်သော အမျိုးအစားသစ် လက်နက်စနစ်သစ်ကို တက်ကြွစွာ တီထွင်နေသည်ကို သံသယကင်းစွာပင် တွေ့မြင်နိုင်ပါလိမ့်မည်”
“ဒါဟာ ထိုးစစ်ဆင်ဖို့ လုပ်ဆောင်ချက် မဟုတ်ဘဲ မိမိကိုယ်ကို ကာကွယ်ရေးအတွက် ကြိုးပမ်းအားထုတ်မှုတစ်ခုပါပဲ” ဟု အလေးပေးပြောကြားခဲ့ပြီး ယခုဒုံးကျည်သည် ကမ္ဘာလုံးဆိုင်ရာ လေကြောင်းရန်ကာကွယ်ရေးစနစ်မှန်သမျှကို ထိုးဖောက်နိုင်စွမ်းရှိကြောင်း မြောက်ကိုးရီးယားခေါင်းဆောင်က ပြောကြားခဲ့သည်။
“ကျွန်ုပ်တို့၏ နောက်ဆုံးပေါ် တာလတ်ပစ် ဟိုက်ပါဆိုနစ် ဒုံးပျံစနစ်၏ စွမ်းဆောင်ရည်ကို ကမ္ဘာတစ်ဝှမ်းလုံး လျစ်လျူရှု၍မရပါ၊ ၎င်းစနစ်သည် ပြင်းထန်သော ခံစစ်အတားအဆီးများကို ထိထိရောက်ရောက် ချိုးဖျက်နိုင်ပြီး၊ ပြိုင်ဘက်၏ ပြင်းထန်သော စစ်ရေးတိုက်ခိုက်မှုကို ကိုင်တွယ်ဖြေရှင်းနိုင်သည်” ဟုလည်း သူက ပြောကြားခဲ့သည်။
“ကာဗွန်ဖိုက်ဘာဒြပ်ပေါင်းအသစ်ကို အမျိုးအစားသစ် အသံထက်မြန်တဲ့ ဒုံးကျည်ရဲ့ အင်ဂျင်ကိုယ်ထည်ကို ထုတ်လုပ်ရာမှာ အသုံးပြုခဲ့ပြီး ပျံသန်းမှုနဲ့ လမ်းညွှန်ထိန်းချုပ်မှုစနစ်မှာ လည်း ထိရောက်တဲ့ နည်းလမ်းသစ်ကို အသုံးပြုခဲ့ပါတယ်” ဟု ကိုရီးယား ဗဟိုသတင်းအေဂျင်စီ (KCNA) က ရေးသားထားသည်။