ဆိုးလ်၊ဒီဇင်ဘာ ၁၈
မြောက်ကိုရီးယားသည် ယနေ့တွင်ကိုရီးယားကျွန်းဆွယ်အရှေ့ဘက်ကမ်းရိုးတန်းရှိ ပင်လယ်ပြင်ဆီသို့ ပဲ့ထိန်းဒုံးကျည်နှစ်စင်းပစ်လွှတ်ခဲ့ကြောင်း တောင်ကိုရီးယားနှင့်ဂျပန်တို့ကပြောကြားခဲ့သည်။
အဆိုပါဒုံးကျည်များသည် ဂျပန်နိုင်ငံ၏ သီးသန့်စီးပွားရေးဇုန် (EEZ) အပြင်ဘက်သို့ကျရောက်ခဲ့ကြောင်းနှင့် ပျက်စီးဆုံးရှုံးမှုအစီရင်ခံစာမရရှိသေးကြောင်း ဒုတိယကာကွယ်ရေးဝန်ကြီး တိုရှီရိုအီနိုကပြောကြားခဲ့သည်။
ဒုံးကျည်အင်ဂျင်များနှင့် အာကာသယာဉ်များအပါအဝင် ဒုံးကျည်နည်းပညာများကို စမ်းသပ်ရန်အသုံးပြုသည့် မြောက်ကိုရီးယား Sohae ဂြိုလ်တုလွှတ်တင်ရေးနေရာ၌ အဆိုပါလွှတ်တင်မှုအားပြုလုပ်ခဲ့ပြီးဖြစ်ပြီး နိုင်ငံ၏ခေါင်းဆောင်မစ္စတာ ကင်မ်ဂျုံအမ်းလည်းလာရောက်ခဲ့ကြောင်းသိရှိရသည်။
မြောက်ကိုရီးယားသည် နိုင်ငံတကာ၏ တားမြစ်ပိတ်ပင်မှုများနှင့် ပိတ်ဆို့ဒဏ်ခတ်မှုများကြားမှပင် ယခုနှစ်အတွင်းမကြုံစဖူးသော ဒုံးကျည်စမ်းသပ်ပစ်လွှတ်မှုများအားပြုလုပ်ခဲ့ပြီး အမေရိကန်ပြည်မကြီးသို့ရောက်ရှိနိုင်သည့် တိုက်ချင်းပစ်ဒုံးကျည် (ICBM) ကိုလည်းစမ်းသပ်ပစ်လွှတ်ခဲ့သေးသည်။
Source : Nikkei Asia