မြို့ပြနှင့် ကျေးလက်မကျန် ဆင်းရဲချမ်းသာမရွေး လူတိုင်းလက်လှမ်းမီသည့် ကျန်းမာရေးစောင့်ရှောက်မှုပေးနိုင်ရန် အလေးထားဆောင်ရွက်နေသည်ဟု နိုင်ငံ တော်သမ္မတ ဦးမင်းအောင်လှိုင်က ယနေ့ ဇူလိုင် ၁၆ ရက်နံနက်ပိုင်းကကျင်းပသည့် သူနာပြုသိပ္ပံ(နေပြည် တော်)အပါအဝင် တိုင်း၊ ပြည်နယ်များရှိ သူနာပြုသိပ္ပံများဖွင့်ပွဲတွင် ပြောကြားခဲ့ခြင်းဖြစ်သည်။
” ခေတ်မီဖွံ့ဖြိုးတိုးတက်တဲ့ နိုင်ငံတစ်ခုတည်ဆောက်ရာမှာ နိုင်ငံသားအားလုံးပညာရည်မြင့်မားပြီး ကျန်းမာကြံ့ ခိုင်ကြဖို့က ပဓာနကျပါတယ်။ ဒါ့ကြောင့် တစ်မျိုးသားလုံးကျန်းမာကြံ့ခိုင်ရေးနဲ့ ကျန်းမာရေးအဆင့်မြှင့်တင်မှုလုပ်ငန်းတွေကို မူဝါဒတွေချမှတ်အကောင်အထည်ဖော် ဆောင်ရွက်ပေးနေပါတယ်”ဟု နိုင်ံတော်သမ္မတက ပြော သည်။
ထိုသို့ ဆောင်ရွက်ရာ၌ ပြည်သူလူထုကိုတိုက်ရိုက်အ ကျိုးပြုသည့် ကျန်းမာရေးစောင့်ရှောက်မှုလုပ်ငန်းများဖြစ်ရန်၊ မြို့ပြနှင့် ကျေးလက်ပါမကျန် ဆင်းရဲချမ်းသာမရွေးလူတိုင်းလက်လှမ်းမီသော ကျန်းမာရေးစောင့် ရှောက်မှုပေးနိုင်ရန် အလေးထားဆောင်ရွက်လျက်ရှိပြီး ကျန်းမာရေးကဏ္ဍအဆင့်မြှင့်တင်မှုကို ဘက်ပေါင်းစုံမှဖြည့်ဆည်းဆောင်ရွက်ပေးလျက်ရှိသည်ဟု ပြော သည်။
” အစိုးရသစ်ကာလမှာလည်း ကျန်းမာရေးကဏ္ဍအဆင့်မြှင့်တင်တာတွေကိုဆက်လက်လုပ်ဆောင်ပေးသွားမှာပါ။ ပြည်သူအားလုံးရဲ့ စိတ်ရောကိုယ်ပါကျန်းမာကြံ့ခိုင်ရေးကိုအလေးထားဆောင်ရွက်ပေးကြရပါမယ်။ အစိုး ရသစ်တာဝန်ယူနေတဲ့ ကာလတစ်လျှောက်လုံး ကျန်းမာ ရေးကဏ္ဍကိုမြှင့်တင်ပြီး ကျန်းမာရေးစောင့်ရှောက်မှုလုပ်ငန်းတွေနဲ့ လူ့စွမ်းအားအရင်းအမြစ်တွေကို ဘက်စုံ ဖွံ့ဖြိုးတိုးတက်လာအောင် ကြိုးစားတည်ဆောက်ပေးနေပါတယ်”ဟု နိုင်ငံတော်သမ္မတက ပြောသည်။
ထို့ပြင် နိုင်ငံတော်အတွက်လိုအပ်နေသည့် ကျန်းမာရေး လူ့စွမ်းအားအရင်းအမြစ်များလေ့ကျင့်မွေးထုတ်ပေးနိုင်ရန် ကျန်းမာရေးဝန်ကြီးဌာနမှ ဖွင့်လှစ်သင်ကြားပေးနေသော ဆေးတက္ကသိုလ်(၅)ခုနှင့်၂၀၂၃ ခုနှစ်က နေ ပြည်တော် Naypyitaw State Academy မှာ ဆေးပညာမဟာဌာနကြီး (Faculty of Medicine)ကိုထည့်သွင်းဖွင့်လှစ်ပေးနိုင်ခဲ့ရာ ယခုအချိန်၌ ဆေးတက္ကသိုလ်(၆)ခုနှင့် ဆေးပညာနှီးနွှယ်တက္ကသိုလ်(၁၁)ခုရှိပြီဟု နိုင်ငံတော်သမ္မတက ပြောကြားခဲ့သည်။