မြန်မာ-အိန္ဒိယနှစ်နိုင်ငံအကျိုးကိုတိုးမြှင့်စွမ်းဆောင်ရန်အကောင်းဆုံးအနေအထားတွင်ရှိနေသည်ဟု အိန္ဒိယနိုင်ငံ ကုန်သည်များနှင့် စက်မှုအသင်းချုပ် (FICCI)အတွင်းရေးမှူးချုပ်နှင့် အိန္ဒိယစက်မှုလက်မှုလုပ်ငန်းရှင်များအဖွဲချုပ်(CII) မှ Senior Advisor တိုက ယနေ့ မေ ၃၁ ရက်တွင် နယူးဒေလီမြိုရှိ Taj Mahal ဟို တယ်၌ကျင်းပပြီး နိုင်ငံတော်သမ္မတ ဦးမင်းအောင်လှိုင်တက်ရောက်သည့် မြန်မာ-အိန္ဒိယကုန်သွယ်မှုနှင့် ရင်း နှီးမြှုပ်နှံမှုဆိုင်ရာဆွေးနွေးပွဲတွင် ဆွေးနွေးပြောကြားခဲ့ကြသည်။
FICCI အတွင်းရေးမှူးချုပ်နှင့် CIIမှ Senior Advisor တို့က မြန်မာ-အိန္ဒိယနှစ်နိုင်ငံသည် လွန်စွာအလားအလာကောင်းသောကဏ္ဍများတွင် ပူးပေါင်းဆောင်ရွက်မှုများတိုးမြှင့်ခြင်းဖြင့် နှစ်နိုင်ငံအကျိုးကိုတိုးမြှင့်စွမ်းဆောင်ရန် အကောင်းဆုံးအနေအထားတွင်ရှိနေသည်ဟု ဆွေး နွေးပြောကြားသည်။
နှစ်နိုင်ငံနယ်နိမိတ်ချင်းထိစပ်လျက်ရှိ၍ ကုန်သွယ်ရေး၊ ချိတ်ဆက်မှု၊ အခြေခံအဆောက်အအုံ၊ ကျန်းမာရေး၊ စိုက်ပျိုးရေး၊ စွမ်းအင်၊ ဒစ်ဂျစ်တယ်ပူးပေါင်းဆောင် ရွက်မှု၊ စွမ်းရည်မြှင့်တင်ရေးနှင့် နယ်စပ်ဒေသဖွံ့ဖြိုးရေးကဏ္ဍများတွင် ပူးပေါင်းဆောင်ရွက်မှုများပိုမိုတိုးချဲ့လာနိုင်သည်ဟု ဆွေးနွေးပြောကြားသည်။
ထို့ပြင် နှစ်နိုင်ငံကြား စီးပွားရေးပူးပေါင်းဆောင်ရွက်မှုများနှစ်စဉ်တိုးတက်လျက်ရှိရာ ကုန်သွယ်မှုနှင့် ရင်းနှီး မြှုပ်နှံမှုများပိုမိုတိုးမြှင့်ဆောင်ရွက်သွားရန် အခွင့်အ လမ်းများစွာရှိနေသည်ဟုလည်း ဆွေးနွေးပြောကြားခဲ့ကြသည်။
ထို့အတူ ယနေ့တွေ့ဆုံဆွေးနွေးမှုသည် မဟာဗျူဟာ ရည်ရွယ်ချက်များကို လက်တွေ့ကျသောရလဒ်များအ ဖြစ်ဆောင်ရွက်နိုင်သည့်နည်းလမ်းများဖြစ်သည်ကိုတွေ့ရကာ ယနေ့တွေ့ဆုံမှုမှတစ်ဆင့် ပိုမိုခိုင်မာသော စီးပွားရေးချိတ်ဆက်မှုများ၊ လက်တွေ့ကျသောရလဒ်များနှင့် ပူးပေါင်းဆောင်ရွက်မှုအခွင့်အလမ်းသစ်များ ပေါ်ပေါက်လာမည်ကိုယုံကြည်သည်ဟုလည်း ဆွေးနွေးပြောကြားခဲ့ကြသည်။