မြန်မာ နိုင်ငံ၏ လက်ရှိနိုင်ငံရေးအကြပ်အတည်းအား သက်ဆိုင်သူများ အားလုံးပါဝင်သော အဓိ ပ္ပါယ်ပြည့်ဝသည့် နိုင်ငံရေးဆွေးပွဲများဖြင့်သာ ဖြေရှင်းနိုင်မည်ဟု PPST ထုတ်ပြန်

မြန်မာ နိုင်ငံ၏ လက်ရှိနိုင်ငံရေးအကြပ်အတည်းအား သက်ဆိုင်သူများ အားလုံးပါဝင်သော အဓိ ပ္ပါယ်ပြည့်ဝသည့် နိုင်ငံရေးဆွေးပွဲများဖြင့်သာ ဖြေရှင်းနိုင်မည်ဟု PPST ထုတ်ပြန်

တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသ ဘောတူစာချုပ်လက်မှတ်ရေးထိုးထားသည့် တိုင်းရင်းသားလက်နက်ကိုင်တော်လှန်ရေးအဖွဲအစည်းများ၏ ဇန်နဝါရီ ၅ ရက်နှင့် ၆ ရက်တို့၌ ကျင်းပခဲ့သော ငြိမ်းချမ်းရေးလုပ်ငန်း စဉ် ဦးဆောင်အဖွဲ့ (PPST)အစည်းအဝေး(၂၃/၂၀၂၂)မှ ဘုံသဘောထားရပ်တည်ချက်များကို ထုတ်ပြန်ခဲ့ခြင်းဖြစ်သည်။

အစည်းအဝေးတွင် လက်ရှိနိုင်ငံရေးအခြေအနေများ၊ပြည်တွင်းအခြေအနေများအား ဆွေးနွေးညှိနှိင်းပြီးနောက် ထုတ်ပြန်ခဲ့ခြင်းဖြစ်သည်။

PPST ၏ထုတ်ပြန်ချက်တွင် ၂၀၂၁ ခုနှစ်အတွင်း နိုင်ငံရေးပြဿနာများအား နိုင်ငံရေးနည်းဖြင့် မဖြေရှင်းပဲ အင်အားသုံးဖြေရှင်းမှုများကြောင့် အပြစ်မဲ့ပြည်သူများ သေကြေခြင်း၊အတိဒုက္ခမျိုးစုံခံစားရခြင်း၊လူမှုစီးပွားရေးများနိမ့်ဆင်းသွားခြင်း၊လူငယ်များ၏ အနာဂတ်များပျောက်ဆုံးသွားရမှုများအတွက် PPST က အထူးတုန်လှုပ်ဝမ်းနည်းရသည်ဟု ရေးသားထားသည်။

ထို့ကြောင့် ၂၀၂၂ ခုနှစ်တွင် ပြည်သူများခံစားနေရသည့် အတိဒုက္ခများကိုလျှော့ချနိုင်ရေးအတွက် နိုင်ငံရေးပြဿနာများကို နိုင်ငံရေးဆွေးနွေးခြင်းနည်းဖြင့်ဖြေရှင်းကြပါရန် သက်ဆိုင်ရာ အစုအဖွဲအားလုံးကိုပန်ကြားအပ်ပါသည်။

ပြည်သူများအားလုံး ၂၀၂၂ နှစ်သစ်တွင် ခံစားနေရသည့် အတိဒုက္ခများကင်းဝေးပြီးလွတ်လပ်ငြိမ်းချမ်းသည့် ဒီမိုကရေစီ အရသာအား ပြန်လည်ခံ စားနိုင်ကြပါစေကြောင်းနှင့်ဖက်ဒရယ်ဒီမိုကရေစီပြည်ထောင်စုကြီးတည်ဆောက်ရေးအတွက် ဝိုင်းဝန်းပါဝင်ကြပါရန် တိုက်တွန်းရင်း နှစ်သစ်ကူးဆုမွန်ကောင်းတောင်းအပ်ပါသည်ဟု့လည်းရေးသားဖော်ပြထားသည်။

ထို့ပြင် ၂၀၂၂ ခုနှစ်တွင်ချမှတ်ထားသည့် PPST လုပ်ငန်းစဉ်များအဖြစ် လက်ရှိမြန်မာနိုင်ငံအ ကျပ်အတည်း ဖြေရှင်းရေးတွင် PPST သည် NCA ၏ အနှစ်သာရ၊ PPST ၏ နိုင်ငံရေးဦးတည်ချက် (၇)ရပ်တို့အား အခြေခံ၍ နိုင်ငံရေးအကြပ်အတည်းများကို ဖြေရှင်းနိုင်ရေးအတွက် ကြိုးပမ်းသွားမည်ဟုထုတ်ပြန်ခဲ့သည်။

ဒီဇင်ဘာလအတွင်း ဖြစ်ပျက်ခဲ့သည့် ကယားပြည် နယ်၊ဖရူဆို၊မိုဆိုရွာကိစ္စ၊လေးကေကော် ငြိမ်းချမ်းရေးမြို့သစ်ကိစ္စနှင့်အခြားဒေသများရှိ အမျိုးသမီးများ၊ကလေးများနှင့်သက်ကြီးရွယ်အိုများ အ ပါအဝင် အရပ်သားများအပေါ် ကျူးလွန်မှုများကို PPST အနေဖြင့် ပြင်းထန်စွာ ကန့်ကွက်ရှုချသည်ဟုရေးသားထားသည်။

ထို့အတူ လက်ရှိနိုင်ငံရေးအကျပ်အတည်း ဖြေရှင်းရေးအတွက် နိုင်ငံတကာအဖွဲ့အစည်းများကုလသမဂ္ဂ အထူးကိုယ်စားလှယ်၊အာဆီယံနိုင်ငံများအပါအဝင် နိုင်ငံတကာ၏ကြားဝင်စေ့စပ်ဖြေရှင်းမှုများသည် မြန်မာ့နိုင်ငံ၏ ပကတိနိုင်ငံရေးအခြေအနေနှင့်အညီ လက်တွေ့ကျကျဆောင်ရွက်နိုင်ရေးကို PPST အနေဖြင့် ကြိုးပမ်းဆောင်ရွက်သွားမည်ဟုလည်း ထုတ်ပြန်ရေးသားထားသည်။