တရုတ်ပြည်သူ့သမ္မတနိုင်ငံ တည်ထောင်သည့် (၇၆)နှစ်မြောက် နှစ်ပတ်လည်နှင့် မြန်မာ-တရုတ် သံတမန်ဆက်ဆံရေး (၇၅)နှစ်ပြည့် အထိမ်းအမှတ်ဧည့်ခံပွဲအခမ်းနားကို ယနေ့ စက်တင်ဘာ(၂၄)ရက်တွင် ရန်ကုန်မြို့ Wyndham Grand Hotel ၌ ကျင်းပခဲ့ကြောင်း သိရသည်။
အဆိုပါ အခမ်းနားကို နိုင်ငံတော်သမ္မတရုံးဝန်ကြီးဌာန(၁) ပြည်ထောင်စုဝန်ကြီး ဦးတင်အောင်စန်း တက်ရောက်ခဲ့သည်။
တရုတ်ပြည်သူ့ သမ္မတနိုင်ငံတည်ထောင်သည့် (၇၆)နှစ်မြောက် နှစ်ပတ်လည်နှင့် မြန်မာ-တရုတ် သံတမန်ဆက်ဆံရေး (၇၅)နှစ်ပြည့် အထိမ်းမှတ်အခမ်းနားအတွက် ပြည် ထောင်စုဝန်ကြီးက ဂုဏ်ပြုစကားပြောကြားခဲ့သည်။
နိုင်ငံနှစ်နိုင်ငံကြား နှစ်ပေါင်း(၇၅)နှစ်ကျော်ကြာ ထိန်းသိမ်းစောင့်ရှောက်လာသည့် သမိုင်းဝင်အမှတ်တရများ ခိုင်မာသည့်မိတ်ဖက်ဆက်ဆံရေးများ အပြန်အလှန်လေးစားမှုများနှင့် နှစ်နိုင်ငံမိတ်ဖက်များအကြား နယ်ပယ်စုံမှာ ပူးပေါင်းဆောင်ရွက်မှုများ မြှင့်တင်ရန်ထားရှိသည့် ကတိကဝတ်များကို ထင်ဟပ်ပြသသည့် အထိမ်းမှတ်အောင်ပွဲတစ်ခုဖြစ်ကြောင်း ပြည်ထောင်စုဝန်ကြီးက ပြောကြားခဲ့သည်။
ထို့ပြင် လာမည်ရွေးကောက်ပွဲအောင်မြင်စွာကျင်းပနိုင်ရေးအတွက် ပံ့ပိုးပေးသည့် အကူညီများအတွက်လည်း ကျေးဇူးတင်ရှိကြောင်း ပြည်ထောင်စုဝန်ကြီးက ပြောကြားခဲ့ကြောင်း သိရသည်။
မြန်မာနိုင်ငံဆိုင်ရာ တရုတ်ပြည်သူသမ္မတနိုင်ငံ သံအမတ်ကြီးနှင့် တာဝန်ရှိသူများက ပြည်ထောင်စုဝန်ကြီး ဦးတင်အောင်ဆန်းနှင့် တက်ရောက်လာသူများကို ကြိုဆိုနှုတ်ဆက်ခဲ့ပြီး တရုတ်နိုင်ငံသမိုင်းကြောင်း မှတ်တမ်းဓါတ်ပုံများကို လိုက်လံကြည့်ရူခဲ့ကြသည်။
အဆိုပါ အခမ်းနားကို နိုင်ငံတော်သမ္မတရုံး ဝန်ကြီးဌာန (၄) ပြည်ထောင်စုဝန်ကြီး ဦးထွန်းအောင်၊ ဘဏ္ဍာရေးနှင့်အခွန်ဝန်ကြီးဌာန ပြည်ထောင်စုဝန်ကြီး ဒေါက်တာကံဇော်နှင့် ရန်ကုန်ရှိ ဌာနဆိုင်ရာတာဝန်ရှိသူများလည်း တက်ရောက်ခဲ့ပြီး နိုင်ငံတကာသံအမတ်များလည်း တက်ရောက်ခဲ့ကြောင်း သိရသည်။