၂၀၂၅ – ၂၀၂၆ ပညာသင်နှစ်အတွက် မြန်မာ့ဘောလုံးအကယ်ဒမီ ကျောင်းသားသစ်များကို ယနေ့ ဧပြီ (၂၆)ရက်တွင် ပဏာမအဆင့် စတင်ရွေးချယ်ရာ လူငယ် (၃၀၀)ကျော် လာရောက်ရွေးချယ်ခံခဲ့ကြောင်း သိရသည်။
ရန်ကုန်ဇုန် တစ်ခုတည်းအတွက် ရွေးချယ်ခေါ်ယူခြင်းဖြစ်ပြီး မြစ်ကြီးနား၊ တောင်ကြီး၊ မန္တလေးနှင့် နေပြည်တော်မြို့များတွင် ဘောလုံးအကယ်ဒမီ ပဏာမ လူရွေးချယ်ရေးများဆက်လက်ပြုလုပ်သွားမည်ဖြစ်သည်။
ပဏာမ လူရွေးချယ်ခြင်းအတွက် မြန်မာနိုင်ငံ ဘောလုံးအဖွဲ့ချုပ် နည်းစနစ်ဒါရိုက်တာ ဂျပန်နိုင်ငံသား မစ္စတာမိတကဆောင်ရွက်နေခြင်းဖြစ်သည်။
မြန်မာနိုင်ငံ ဘောလုံး အဖွဲ့ချုပ်သည် မြို့နယ်အလိုက် အား/ကာ တာဝန်ရှိသူများ၊ တိုင်းဒေသကြီးနှင့်ပြည်နယ် ဘောလုံးအဖွဲ့ချုပ်များ၊ ဒေသခံလက်ရွေးစင်ဟောင်းများနှင့် ဆက်သွယ်၍ အကယ်ဒမီ ကျောင်းသားသစ်ရွေးချယ်ရေး အစီအစဉ်များကို ဆက်လက်သတင်းထုတ်ပြန်ကြေညာပေးသွားမည်ဖြစ်သည်ဟု အသိပေးထားသည်။
ရွေးချယ်ရေး အစီအစဉ်အရ ရန်ကုန်လေ့ကျင့်ရေးကွင်း (၁) တွင် ဧပြီ (၂၆) ရက်မှ (၂၈)ရက်အထိလည်းကောင်း၊ မြစ်ကြီးနား (ပြည်နယ်အားကစားကွင်း) တွင် ဧပြီ (၂၉) ရက်မှ မေ (၁) ရက်အထိလည်းကောင်း၊ တောင်ကြီး (ပြည်နယ်အားကစားကွင်း)တွင် မေ (၁) ရက်မှ မေ (၃) ရက်အထိလည်း ကောင်း၊ မန္တလေး (အကယ် ဒမီကွင်း)တွင် မေ (၅)ရက်မှ မေ (၇) ရက်အထိလည်းကောင်း၊ နေပြည်တော် (ဘောဂဝတီကွင်း) တွင် မေ (၈) ရက်မှ (၁၀) ရက်အထိလည်းကောင်း ပြုလုပ်သွားမည်ဖြစ်ကြောင်း သိရသည်။