မြန်မာ့ရိုးရာနှစ်သစ်ကူးအတာင်္သကြန်ပွဲတော်သည် ယူနက်စကို ဒြပ်မဲ့ယဉ်ကျေးမှုအမွေအနှစ်စာရင်းတွင် ပါဝင်လာကြောင်း သိရသည်။
ပါရာဂွေးနိုင်ငံ၊ အာဆွန်စီယွန်မြို့ ၌ ဒီဇင်ဘာလ ၂ ရက်နေ့မှ ၇ ရက်နေ့အထိ ကျင်းပပြုလုပ်မည့် (၁၉) ကြိမ်မြောက် ဒြပ်မဲ့ယဉ်ကျေးမှုအမွေအနှစ်ညီလာခံတွင် မြန်မာနိုင်ငံမှ တင်သွင်းထားသည့် မြန်မာ့ရိုးရာနှစ်သစ်ကူးအတာသင်္ကြန်ပွဲတော် အဆိုပြုစာတွဲနှင့်ပတ်သက်၍ တရားဝင်ဆုံးဖြတ်မည်ဖြစ်ကြောင်းလည်း သိရသည်။
လက်ရှိတွင် ယူနက်စကို၏ ပဏာမအဆုံးအဖြတ်၌ ဒြပ်မဲ့ယဉ်ကျေးမှုအမွေအနှစ်စာရင်းအဖြစ် သတ်မှတ်မည့် အဆိုပြုစာတွဲများထဲတွင် မြန်မာ့ရိုးရာနှစ်သစ်ကူးအတာင်္သကြန်ပွဲတော်စာတွဲပါဝင်လျက်ရှိနေခြင်းဖြစ်သည်။
နှစ်သစ်ကူးအတာသကြင်္န်ပွဲတော်သည် မြန်မာ့ရိုးရာပွဲတော်များတွင် အထင်ရှားဆုံးပွဲတော် တစ်ခုဖြစ်ပြီး ဧပြီလလယ်တွင် ကျင်းပလေ့ရှိသော ပွဲတော်တစ်ခုဖြစ်သည်။ နှစ်သစ်ကူးပွဲတော်ကို လေးရက်မှ ငါးရက်အတွင်း ကျင်းပလေ့ရှိပြီး လူကြီးသူမများကို ကုသိုလ်ယူကာ အချင်းချင်းရေပက်ကစားကြသည့် ဗုဒ္ဓဘာသာပွဲတော်ဖြစ်သည်။ သင်္ကြန်ပွဲတော်ရက်များကို မြန်မာပြက္ခဒိန်အရ တွက်ချက်ခြင်း ဖြစ်ကာ မြန်မာနှစ်ဟောင်းမှ နှစ်သစ်သို့ ကူးပြောင်းသည့် အထိမ်းအမှတ်လည်း ဖြစ်သည်။
