ရုရှားနိုင်ငံ၊ မော်စကိုမြို့ရှိ ရင်ပြင်နီ၌ ယနေ့ မေ ၉ ရက်နံနက်ပိုင်းကကျင်းပသည့် ၁၉၄၁-၁၉၄၅ မဟာမျိုးချစ်စစ်ပွဲကြီးအောင်ပွဲ နှစ်(၈၀)ပြည့် အထိမ်း အမှတ်စစ်ရေးပြအခမ်းအနားကို နစက ဥက္ကဋ္ဌနှင့် မြန်မာအဆင့်မြင့်ကိုယ်စားလှယ်အဖွဲ့ဝင်များ တက်ရောက်ခဲ့ကြသည်။
ရုရှားတပ်မတော်ကြည်းတပ်ဦးစီးချုပ် Army General Oleg Salukov ရောက်ရှိနေရာယူပြီး ကရင်မလင်နန်းတော်မျှော်စင်ရှိ နာရီစင်မှ ၁၀ နာရီအချက်ပေးခေါင်းလောင်းထိုးပြီးနောက် ဂုဏ်ပြုစစ်ရေးပြအခမ်းအနားကို စတင်ကျင်းပရာ ရုရှားနိုင်ငံတော်အလံနှင့် ရုရှားအောင်ပွဲနေ့အထိမ်းအမှတ်အလံတော်တို့အား အလေးပြုကာ ရုရှားကာကွယ် ရေးဝန်ကြီး Mr. Andrei Ramovich Belousov ကအလေးပြုခြင်းခံယူပြီး စစ်ရေးပြတပ်ဖွဲ့အသီးသီးကိုကြည့်ရှုစစ်ဆေးကာ ဂုဏ်ပြုစကားပြောကြားရာ စစ်ရေးပြတပ်ဖွဲ့များမှ (Oora) (အောင်ပြီ)ဟု ၃ ကြိမ်ကြွေးကြော်ခဲ့ကြသည်။
ရုရှားတပ်မတော်ကြည်းတပ်ဦးစီးချုပ်ဦးဆောင်သည့် နိုင်ငံတကာမှ စစ်ရေးပြတပ်ဖွဲ့ဝင်များပါဝင်သည့် စစ်ရေးပြတပ်ဖွဲ့များက စစ်သေနာပတိချုပ်အား လမ်းလျှောက်ချီတက်အလေးပြုခြင်း၊ တင့်၊ သံချပ်ကာ၊ အမြောက်၊ လေကြောင်းရန်၊ မဟာဗျူဟာမြောက် တိုက်ချင်းပစ်ဒုံးတပ်ဖွဲ့ စသည့်ယန္တရားတပ်ဖွဲ့များမှ ချီတက်အလေးပြုခြင်းနှင့် လေတပ်မှလေယာဉ်များဖြင့် ပျံသန်းအလေးပြုခြင်းများပြုလုပ်ခဲ့ကြသည်။
ထို့နောက် စစ်တီးဝိုင်းတပ်ဖွဲ့မှ ရုရှားအောင်ပွဲနေ့အ ခမ်းအနားအထိမ်းအမှတ်ဂုဏ်ပြုတေးသီချင်းသီဆို၍ပြန်လည်ထွက်ခွာကာ ရုရှားနိုင်ငံ၏ စစ်သေနာပတိချုပ် H.E.Mr. Vladimir Vladimirovich Putin က ရုရှားနိုင်ငံနှင့် နိုင်ငံတ ကာစစ်ရေးပြတပ်ဖွဲ့များမှ အဖွဲ့ခေါင်းဆောင်များအားနှုတ်ဆက်ခဲ့သည်။
ယခုနှစ်ကျင်းပပြုလုပ်သည့် ၁၉၄၁-၁၉၄၅ မဟာမျိုးချစ်စစ်ပွဲကြီးအောင်ပွဲ နှစ်(၈၀)ပြည့် အထိမ်းအ မှတ်စစ်ရေးပြအခမ်းအနားတွင် မြန်မာနိုင်ငံမှ စစ် ရေးပြတပ်ဖွဲ့ဝင်များသည်လည်း အခြားနိုင်ငံများမှ စစ်ရေးပြတပ်ဖွဲ့ဝင်များနှင့်အတူ ပထမဦးဆုံးအ ကြိမ်အဖြစ်ပါဝင်ချီတက်ခဲ့ကြသည်။
ယနေ့တွင်ကျင်းပပြုလုပ်သည့် ၁၉၄၁-၁၉၄၅ မဟာမျိုးချစ်စစ်ပွဲကြီးအောင်ပွဲ နှစ်(၈၀)ပြည့်အထိမ်းအမှတ် စစ်ရေးပြအခမ်းအနားနှင့် ဆက်စပ်အခမ်းအနားများသို့ တက်ရောက်စဉ် နစက ဥက္ကဋ္ဌ နိုင်ငံတော် ဝန်ကြီးချုပ် သည် တက်ရောက်လာကြသည့် နိုင်ငံတကာမှ အကြီးအကဲများ၊ တာဝန်ရှိသူများနှင့် ရင်းရင်းနှီးနှီး တွေ့ဆုံနှုတ်ဆက်ခဲ့ပြီး နိုင်ငံအချင်းချင်း သံတမန်ဆက်ဆံမှု၊ ချစ်ကြည် ရင်းနှီးမှုနှင့် ပူးပေါင်းဆောင်ရွက်မှုမြှင့်တင်ရေးဆိုင်ရာများကို အပြန်အလှန် ဆွေးနွေး ဆောင်ရွက်ခဲ့သည်။