မြန်မာနိုင်ငံသမ္မတ ဦးမင်းအောင်လှိုင်ဟာ လာမယ့် သြဂုတ်လထဲမှာ ထိုင်းနိုင်ငံကို တရားဝင် အလည်အပတ်ခရီးလာမယ်ဆိုတာကို ထိုင်းနိုင်ငံခြားရေးဝန်ကြီး ဆီဟာဆက် ဖောင်ကက်ကီအိုက ဘန်ကောက်မှာလုပ်တဲ့ သတင်းစာရှင်းလင်းပွဲတစ်ခုအပြီးမှာ AFP သတင်းဌာနကို အတည်ပြုပေးခဲ့ပါတယ်။
“ဦးမင်းအောင်လှိုင်ဟာ ထိုင်းနိုင်ငံကို တရားဝင် အလည်အပတ်ခရီးအဖြစ် လာရောက်မှာပါ၊ သိပ်မကြာခင် သြဂုတ်လထဲမှာ ရောက်လာပါလိမ့်မယ်” လို့ လဲ သူကပြောပါတယ်။
ပြီးခဲ့တဲ့ တနင်္ဂနွေနေ့က မြန်မာနိုင်ငံအပါအဝင် အာဆီယံ ၁၁ နိုင်ငံက နိုင်ငံခြားရေးဝန်ကြီးတွေရဲ့ အလွတ်သဘောဆွေးနွေးပွဲတစ်ခုကို ထိုင်းနိုင်ငံက အိမ်ရှင်အဖြစ် လက်ခံကျင်းပပေးခဲ့ပြီးနောက်မှာ အခုလို လာလည်မယ့်သတင်း ထွက်ပေါ်လာတာပါ။
အရပ်သားခေါင်းဆောင်ဖြစ်လာပြီးနောက်ပိုင်း အာဆီယံနိုင်ငံတွေထဲက ပထမဆုံး နိုင်ငံတော်အဆင့် ခရီးစဉ်အဖြစ် ဦးမင်းအောင်လှိုင်ဟာ ဒီလထဲမှာပဲ လာအိုနိုင်ငံကို သွားရောက်ခဲ့ပါတယ်။ ပြီးခဲ့တဲ့လကလည်း အိန္ဒိယနဲ့ တရုတ်နိုင်ငံတွေကို သွားရောက်ခဲ့ပြီး ဂုဏ်ပြုကြိုဆိုခြင်းခံခဲ့ရပါသေးတယ်။