ကချင်ပြည်နယ်၊ မြစ်ကြီးနားမြို့တွင် ရေတွင်းတူးနေစဉ် ရေတွင်းထဲပြုတ်ကျသွားသည့် သားဖြစ်သူကို ဆင်းကယ်ရာမှ သားအဖနှစ်ဦးသေဆုံးမှု ယမန်နေ့ (မေလ ၈) ရက်နေ့လယ််ပိုင်းက ဖြစ်ပွားခဲ့ကြောင်းသိရသည်။
မြစ်ကြီးနားမြို့၊ နောင်နန်းလမြန် ကျေးရွာတွင် ယမန်နေ့ နံနက်် ၁၁ နာရီ ၄၅ မိနစ်ခန့်က သားအဖနှစ်ဦးသည် မိမိနေအိမ်မှရေတွင်းတူးရင်း သားဖြစ်သူရေတွင်းထဲ ကျသွားသည့်အတွက် အဖေဖြစ်သူဆင်းကယ်ရာမှ နှစ်ဦးလုံးသေဆုံးသွားခဲ့ခြင်းဖြစ်သည်။
” သုံးလက်စ ရေတွင်းကိုပဲ ထပ်တူးတာ၊ ရေစုပ်စက်နဲ့ ရေစုပ်တာ၊ သားက ရေတွင်းထဲ၀င်တယ်၊ သားအပေါ်မှာ ရေစုပ်စက်ရှိတယ်၊ အဖေက အပေါ်ကနေ ကြိုးနဲ့ထိန်းထားတာ၊ ရေစုပ်စက်ကြိုးက ပြတ်သွားပြီး သားအပေါ်ကျတယ်၊ အဖေက ဆင်းကယ်တယ်၊ အောက်စီဂျင်ပြတ်သွားတယ်နဲ့ တူပါတယ်” ဟု မြစ်ကြီးနားလူမှုကယ်ဆယ်ရေးအသင်းမှ တာ၀န်ရှိသူတစ်ဦးက ပေါ်ပြူလာနယူး(စ်) သို့ပြောသည်။
အဆိုပါဖြစ်စဉ်ကြောင့် လူနာတင်ယာဉ် အမှတ်(၂)ဖြင့်ကယ်ဆယ်ရေး ပစ္စည်းကိရိယာများနှင့်အတူ ချက်ချင်းထွက်ခွာသွားခဲ့သော်လည်း အခင်းဖြစ်ပြီး ၃၀ မိနစ်ကျော်မှ ဆက်သွယ်လာသည့်အတွက်ကယ်ဆယ်ရေးသမားများရောက်ရှိလာချိန်တွင် ပြုတ်ကျသူနှစ်ဦးမှာ သေဆုံးသွားပြီဖြစ်သည့်အတွက်အရပ်သားများနှင့်အတူ ဆယ်ယူပြီး လိုအပ်သည်များ ကူညီဆောင်ရွက်ပေးခဲ့သည်ဟု သိရသည်။
