စစ်ကိုင်းတိုင်း၊ မုံရွာမြို့၌ ၂၀၂၆-၂၀၂၇ ပညာသင်နှစ်အတွက် ကျောင်းနေအရွယ်ကလေးများအားလုံး ပညာ သင်ယူမှုမဆုံးရှုံးမနစ်နာစေရေးအတွက် ကျောင်းအပ်နှံကြရန်၊ မေ ၂၅ ရက်မှ မေ ၃၁ ရက်အထိကို ကျောင်းအပ်နှံရေးသီတင်းပတ်အဖြစ် ပညာရေးဝန်ကြီးဌာနက ကြေညာထားရှိမှုများအားသိရှိစေရန်တို့အတွက် တာဝန်ရှိသူများက မေ ၁၄ ရက်မှစတင်၍ လိုက်လံအသိပေးနှိုးဆော်မှုများပြုလုပ်လျက်ရှိကြောင်း သိရသည်။
တာဝန်ရှိသူများက မုံရွာမြို့ပေါ် ရပ်ကွက်များ၊ လမ်းများတစ်လျှောက်ရှိ လူစည်ကားရာဈေးများ၊ ကားဂိတ်၊ ဆေးရုံနှင့် ဘူတာရုံများတွင် အသိပညာပေးနှိုးဆော်ခြင်းများကို မော်တော်ယာဥ်များဖြင့်ဆောင်ရွက်လျက်ရှိကြောင်း သိရသည်။
အသက်(၅)နှစ်အရွယ် ကလေးများအား KG မှ၊ အ သက်(၆)နှစ်အရွယ် ကလေးများကို Grade-1 သို့၊ ကျောင်းနေအရွယ်ကလေးများအားလုံးကျောင်းတက်နိုင်ရေး ကျောင်းအပ်နှံပေးကြရန်၊ မိဘအုပ်ထိန်းသူများအနေဖြင့် မြို့နယ်အလိုက်သတ်မှတ်နယ်မြေများတွင်ကျောင်းအပ်နှံရန်၊ ကျောင်းအပ်နှံရာတွင် ငွေကြေး(သို့) လက်ဆောင်ပစ္စည်းများကို သက်ဆိုင်ရာ ကျောင်းအုပ်ကြီးများ၊ ဆရာ/ဆရာမများနှင့်အခြား ဝန်ထမ်းများအားပေးအပ်ခြင်း လုံးဝ(လုံးဝ)မပြုလုပ်ကြရန်တို့ကို အသိပေးနှိုးဆော်ခဲ့ကြောင်း သိရသည်။
ထို့ပြင် ကျောင်းထွက်သူလုံးဝမရှိစေရေးနှင့် အလယ်တန်း၊ အထက်တန်းအဆင့်များသို့ အဆင့်ဆင့်ဆက်လက် ပညာသင်ယူနိုင်ရေးအတွက်ကျောင်းအုပ်ကြီးများ၊ ဆရာ/ဆရာမများနှင့် ပူးပေါင်းပါဝင်ဆောင်ရွက်ပေးကြရန်၊ မိမိတို့၏ သား/သမီးများ ပညာရည်တိုးတက်မြင့်မားရေး အတန်းပညာနောက်ကျမှုမရှိစေရေးတို့အတွက် ပညာရေးဌာနထံ အမြန်ဆုံးကျောင်းအပ်နှံကြရန်လည်း အသိပေးနှိုးဆော်ခဲ့ကြောင်း သိရသည်။