မိုးလေဝသနှင့် ဇလဗေဒဆိုင်ရာ ဖြစ်စဉ်များကို လူမှုကွန်ရက်များတွင် ကောလာဟာလ သတင်းထုတ်လွှင့်ဖြန်ချိသူများကို တည်ဆဲဥပဒေများနှင့်အညီ ထိရောက်စွာ အရေးယူသွားမည်ဖြစ်ကြောင်း မိုးလေဝသနှင့် ဇလဗေဒဦးစီဌာန၊ စီမံခန့်ခွဲရေးညွှန်ကြားမှုဗဟိုကော်မတီက ကောလာ ဟာလသတင်းများဆိုင်ရာ အသိပေးချက်
အနေဖြင့် အသိပေးထုတ်ပြန်ထားသည်။
ကောလာဟလ သတင်းထုတ်လွှင့်ဖြန်ချိသူများကို စုံစမ်းစစ်ဆေး ဖော်ထုတ်၍ တည်ဆဲဆက်သွယ်ရေးဥပဒေအရလည်းကောင်း၊ တည်ဆဲသဘာဝဘေးစီမံခန့်ခွဲမှုဥပဒေအရလည်းကောင်း၊ အခြားသက်ဆိုင်ရာ အကျုံးဝင်သည့် တည်ဆဲဥပဒေများနှင့်အညီ ထိရောက်စွာ အရေးယူသွားမည်ဖြစ်ကြောင်းအသိပေးချက်တွင် ဖော်ပြထားသည်။
ထို့ကြောင့် ယင်းကဲ့သို့ ကောလာဟလဖြန့်ချိသော လူမှုကွန်ယက်စာမျက်နှာနှင့် အကောင့်များအား [email protected] သို့ သတင်းပေးပို့ တိုင်ကြားနိုင်သည်ဟု ဆိုသည်။
ယင်းအပြင် ပြည်သူလူထုအနေဖြင့် မိမိတို့ကြားသိထားကြသော သတင်းများအား သက်ဆိုင်ရာဋ္ဌာနများထံ ဆက်သွယ်၍ဖြစ်စေ၊ သက်ဆိုင်ရာဋ္ဌာနများမှ ထုတ်ပြန်သည့် ထုတ်ပြန်ချက်များကို စောင့်ကြည့်ဖတ်ရှု၍ဖြစ်စေ ချိန်ဆဝေဖန် ပိုင်းခြားယုံကြည်ကြရန်လည်း တိုက်တွန်းနှိုး ဆော်ထားသည်။
သဘာဝဘေးအန္တရာယ်များနှင့်ပတ်သက်၍ဖြစ်စေ၊ မိုးလေဝသနှင့် ဇလဗေဒဆိုင်ရာ ဖြစ်စဉ်များနှင့် ပတ်သက်၍ဖြစ်စေ နိုင်ငံတော်အစိုးရ၏ မိုးလေဝသနှင့်ဇလဗေဒညွှန်ကြားမှုဦးစီးဋ္ဌာနမှ ထုတ်ပြန်ချက်များကိုဖြစ်စေ၊ မိုးလေဝသမြန်မာ (NGO) မှ ထုတ်ပြန်ချက်များကိုဖြစ်စေ စောင့်ကြည့်ဖတ်ရှု၍ အမှားအမှန် ဝေဖန်ပိုင်းခြားကြရန်လည်း မျှော်လင့်ကြောင်း တိုက်တွန်းထားသည်။