မိုးတွင်းမှာ ရေကြီးရေ လျှံမှု လျော့ကျအောင် ရန်ကုန်မြို့တော် စည်ပင် သာယာ အနေနဲ့ စီစဉ် ဆောင်ရွက်နေကြောင်း သိရ

မိုးတွင်းကာလ ရန်ကုန်မြို့ပြရဲ့ ရေမြောင်းတွေ ပိတ် ဆို့မှုနဲ့ ရေကြီးရေလျှံ ဖြစ်မှုကတော့ နှစ်စဉ်လိုလို ကြုံတွေ့ နေရတဲ့ အနေအထားပါ။ အစိုးရသစ် လက်ထက်မှာတော့ ရေကြီးရေလျှံမှုတွေ အထိုက်အလျောက် ဖြေလျော့နိုင် ဖို့အတွက် ရေမြောင်းများကို ပြုပြင် ဆယ်ယူမှုတွေ တစ်စိုက် မတ်မတ်လုပ်ဆောင်လာတာလည်း တွေ့မြင်ရပါတယ်။

သို့သော်လည်း ကြုံတွေ့ရတဲ့ အခက်အခဲနဲ့အတူ ယခုမိုးတွင်းကာလ ရေမြောင်းပိတ်ဆို့မှုနဲ့ ရေကြီးရေလျှံ မှုတွေပြေလျော့စေဖို့ အတွက် ကြိုစား လုပ်ဆောင်နေတယ်လို့ ရန် ကုန်မြို့တော် စည်ပင်သာယာရေး ကော်မတီ အဖွဲ့ဝင် တစ်ဦးဖြစ်တဲ့ ဆရာမ ဒေါ်သန်းမြင့်အောင် က အခုလို ပြောပြခဲ့ပါတယ်။

“ရေကြီးရေလျှံမှု ကလည်း နှစ်စဉ် ကျွန်မ တို့ကြုံတွေ့ နေရတယ်။ ယုဇနပလာဇာ တို့ ဝေဇယန္တာလမ်းမ တို့ဆို ရေက ခါး လယ်လောက် ရောက် တာတွေပေါ့။ ဒီနှစ် မိုးတွင်း မှာတော့ ရေကြီးရေလျှံမှု အတတ်နိုင်ဆုံး လျော့ကျအောင် ရယ်၊ တကယ်လို့ ရေလျှံရင်လည်း ရေလျှံလာတဲ့ ပမာဏဟာ နာရီပိုင်း အတွင်း၊ မိနစ်ပိုင်း အတွင်းလေး လျော့ကျသွား အောင်၊ အဲဒီလိုတော့ ကျွန်မတို့ ရန်ကုန်မြို့တော် စည်ပင် သာယာရေး ကော်မတီအနေနဲ့ စီစဉ်ဆောင်ရွက်နေပါတယ်။ ဒါပေမဲ့ တချို့နေရာတွေ မှာကျတော့ ရေစီးရေလာတဲ့ မြောင်းတွေရဲ့  အလယ်လောက်မှာကို ဓာတ်တိုင်ကြီး တွေ၊ ပြီးတော့ ပိတ်ဆို့စရာ ပစ္စည်းတွေပေါ့။ အဲဒီလို နေရာမျိုးတွေ ရှိနေ တဲ့အတွက်ကြောင့် မို့လို့ ချက်ချင်း လက်ငင်းမရတဲ့ အနေအထားမျိုး တွေတော့ ရှိတာပေါ့။ အတတ်နိုင်ဆုံး တော့ လျော့ကျအောင် လုပ်ဆောင်နေပါတယ်” လို့ ဆရာမ သန်းမြင့်အောင်က မိုးတွင်း ကာလရေကြီး ရေလျှံမှု လျော့ ကျအောင် လုပ်ဆောင်နေမှု အပိုင်းကို ရှင်းပြပါတယ်။ ရေ ကြီးရေလျှံမှုနဲ့ အတူ စွန့်ပစ်အမှိုက်များကိုလည်း မြင်တွေ့ နေရပါတယ်။ စွန့်ပစ် အမှိုက်များက ရေစီးဆင်းရာ ရေ မြောင်းတွေမှာ ပိတ်ဆို့မှု ရှိသလို ရေကြီး ရေလျှံမှုရဲ့ အစိတ် အပိုင်းတစ်ခု အဖြစ် ပိတ်ဆို့မှု များလည်း ရှိနေတာ မြင်တွေ့ ရပါတယ်။ စွန့်ပစ်အမှိုက်နဲ့ ရေမြောင်းပိတ်ဆို့မှု အပိုင်းကို ဆရာမ ဒေါ်သန်းမြင့်အောင်ကို မေးကြည့်ရာမှာတော့ “ကျွန်မတို့တွေ နိုင်ငံသစ်ကို ထူထောင်နေကြချိန်မှာ လူတိုင်း လူတိုင်းက နိုင်ငံသားကောင်းတွေ လို့ ပြောလိုက် တာနဲ့ တစ်ပြိုင်နက်တည်း အဲဒီလူတွေဟာ  ပြည်သူ့နီတိ ကျေရမယ်။ စည်းကမ်း ရှိရမယ်၊ အနည်းဆုံးတော့ ကိုယ့်ရဲ့ တာဝန်ကို ကိုယ်ကျေပွန်နိုင် ရမှာပေါ့ ။ လူရှိသမျှ အမှိုက် ရှိမှာပဲ။ ကိုယ့် အမှိုက်ကလေးကို ကိုယ် တာဝန်ယူဖို့ လိုတယ်။ တစ်ခါတလေ အမှတ်မထင်ပေါ့။ ဘတ်စ်ကားပေါ်မှာ စီးသွားရင်းနဲ့ တစ်ရှူးလေး သုတ်ပြီး ပစ်ချလိုက်တာမျိုး၊ ကွမ်းယာစားပြီး ကွမ်းယာထည့်တဲ့ ပလတ်စတစ်ကို ပစ်ချ တာမျိုး၊ ကြွပ်ကြွပ်အိတ် ပစ်ချလိုက်တာမျိုးတို့ပေါ့။ အဲဒါ လေးတွေ သတိထားပြီး လမ်းမမှာဆို ကိုယ့်အမှိုက်ကို ကိုယ်သိမ်းထားမယ်။ အမှိုက်ပုံး ရှိတဲ့နေရာမှာ ပစ်မယ်။ ပြီး တော့ လူတိုင်းလူတိုင်းမှာ ဒီလိုမျိုး အသေးအဖွဲ လေးတွေက စပြီး ဂရုစိုက်တယ် ဆိုရင် ကျွန်မတို့ တစ်မြို့လုံး သန့်ရှင်း သွားမှာပါပဲ။ အခု ကျွန်မတို့ မြောင်းကျယ်တွေ ဖောက် တဲ့အခါမျိုးမှာ အိမ်တွေက သုံးတဲ့ ဆိုဖာကြီးတွေကို မြောင်း ထဲပစ်ထားတာမျိုး၊ ဗီရိုပျက်ကြီးတွေ ဒါမျိုးတွေတွေ့ ရတယ်ပေါ့။ အမှန်ကတော့ ဒါမျိုးတွေက အမှိုက်ပုံမှာ ပစ်လို့တော့ မရပါဘူး။ သို့သော် ကိုယ့်အိမ်ရှေ့မှာ စုထား မယ်။ အဲဒီလို အမှိုက်တွေ များ လာရင် မြို့တော်စည်ပင် ကို On Call ခေါ်မယ်ဆိုရင် ကားနဲ့လာ သယ်ပေးမှာပေါ့။ အဲဒီလို အသိလေးတွေလည်း လူထုကြားမှာ ပြန့်ပွားဖို့လိုပါ တယ်” လို့ ဆရာမဒေါ်သန်းမြင့်အောင်က အမှိုက်စွန့်ပစ်မှု ကြုံတွေ့ခဲ့ရတဲ့ အနေအထားနဲ့ အမြင်ကို ပြောပြခဲ့ပါ တယ်။

မျိုးကျော် (ကနောင်သွေး)