စိတ်ဝေဒနာခံစားနေရတဲ့ သားဖြစ်သူက မိခင်ဖြစ်သူအား ပေါက်ပြားဖြင့်ရိုက်သတ်၍ မိခင်ဖြစ်သူသေဆုံး
မွန်ပြည်နယ်၊သထုံမြို၊ပေါ်တော်မူကျေးရွာအုပ်စု၊ဂျိုင်းကျေးရွာတွင် ဇွန် ၈ ရက်ညပိုင်းက စိတ်ဝေဒနာခံစားနေရသည့် သားဖြစ်သူမှမိခင်အရင်းဖြစ်သူအား ပေါက်ပြားဖြင့်ရိုက်သတ်ခဲ့၍ သေဆုံးသွားကာ သားဖြစ်သူပါသွေးလန့်၍ထပ်မံသေဆုံးသွားခဲ့ကြောင်း အကြင်နာတွဲလက်လူမှုကူညီရေးအသင်းမှ သိရသည်။
ယင်းနေ့ည ၁ နာရီခန့်က စိတ်ဝေဒနာခံစားနေရသည့် ဦးမြင့်ဆွေ(၅၀)နှစ်သည် တစ်အိမ်တည်းနေသည့် မိခင်အရင်းဖြင်သူ ဒေါ်ငွေရင်(၇၄)နှစ်အား ပေါက်ပြားဖြင့်ရိုက်သတ်ခဲ့ကြောင်း သိရသည်။
ဖြစ်စဥ်အိမ်တွင် အော်ဟစ်သံများကြားသဖြင့် ပတ်ဝန်းကျင်နေသူများမှလာရောက်ကူညီရာ မိ ခင်ဖြစ်သူဒေါ်ငွေရင်မှာ ပေါက်ပြားဖြင့်ရိုက်ခံရသည့် ဒဏ်ရာများရရှိကာအခင်းဖြစ်နေရာ၌ သေ ဆုံးသွားခဲ့ကြောင်း သိရသည်။
“ကျွန်တော်တို့ရောက်သွားတော့ စိတ်ဝေဒနာဖြစ်နေတဲ့သားကိုကြိုးနဲ့တုတ်ထားတာတွေ့တယ် သေသွားတဲ့သူ့အမေအ လောင်းကိုသယ်ထုတ်ပြီးတော့ သူ့ကိုသွားကြည့်တဲ့အချိန် သူပါသေနေပြီ”ဟု အကြင်နာတွဲလက်လူမှုကူညီရေးအသင်းဝင်တစ်ဦးကပြောသည်။
သေဆုံးသွားသည့် သားအမိ ၂ ဦး၏ ရုပ်အလောင်းများအား အကြင်နာတွဲလက်လူမှုကူညီရေးအသင်းကားဖြင့် သထုံပြည်သူ့ဆေးရုံကြီး ရင်ခွဲရုံသို့ပို့ဆောင်ပေးခဲ့ကာ သက်ဆိုင်ရာရဲစခန်းမှ သေမှုသေခင်းဖွင့်လှစ်ခဲ့ကြောင်း သိရသည်။
“သေမှုသေခင်းဖွင့်ထားပါတယ် ပေါက် ပြားနဲ့ရိုက်သတ်ခဲ့တဲ့ ကိုမြင့်ဆွေကိုတော့ လူ သတ်မှုနဲ့ပါထပ်ဖွင့်ထားတယ်”ဖြစ်စဥ်အား လိုက်ပါကူ ညီပေးခဲ့သည့် ဂျိုင်းကျေးရွာမှရွာသားတစ်ဦးကပြောသည်။
