ယနေ့ မေ (၂၅)ရက် နံနက်ပိုင်းအချိန်တွင် မယ်ဆိုင်ချောင်းရေမှာ (၂၄၀) စင်တီမီတာတွင် ရောက်ရှိနေကာ ပြန်လည်ကျဆင်းနေသည်ဆိုသော်လည်း ချောင်းရေ အတက်အကျကို စောင့်ကြည့်နေရသည့် အခြေအနေတွင်ရှိဆဲဖြစ်ကြောင်း ဒေသခံတစ်ဦးက ပြောသည်။
ယမန်နေ့ မေလ (၂၄)ရက် ညပိုင်းက မယ်ဆိုင်ချောင်းရေမှတ်မှာ(၃၁၆) စင်တီမီတာသို့ ရောက်ရှိနေရာမှ ပြန်လည်ကျဆင်းခဲ့ခြင်းဖြစ်သည်ဟု ဆိုသည်။
“ရေကတော့ ကျသွားပြီး၊ မိုးလာပြီဆိုတော့ ချောင်းရေကအမြဲ စောင့်ကြည့်ရမယ့်အခြေအနေပါ။ နောက်ပိုင်း မိုးရက်ဆက်ရွာရင်ချောင်းရေက ဒီလိုပဲတက်နေမှာပဲ။ ဒါကလည်း နှစ်စဉ်ကြုံ တွေ့နေရတဲ့ဟာပေါ့။ နှစ်နိုင်ငံတာဝန်ရှိသူတွေလည်း ကြိုတင်ဆောင်ရွက်သင့်တာတွေ ဆောင်ရွက်နေကြပါတယ်။ အဓိက အမှိုက်ပြဿနာပေါ့။ ချောင်းရေကလည်း အမှိုက်က အဟန့်အတားဖြစ်ရင် မြို့တွင်းရေကြီးရေလျှံဖြစ်တာမျိုးလည်း ရှိတာပေါ့”ဟု ၎င်းက ရှင်းပြသည်။
ယမန်နေ့ မိုး/ဇလ၏ အသိပေးထုတ်ပြန်ချက်အရဆိုလျှင် မယ်ဆိုင်ချောင်းရေမှာ တာချီလိတ်မြို့၏ စိုးရိမ်ရေမှတ် (၁) ပေကျော်တွင်ရောက်ရှိခဲ့ပြီး နောက်တစ်ရက်(ယနေ့တွင်) (၃)ပေခန့်အထိ မြင့်တက်လာနိုင်ကာ စိုးရိမ်ရေမှတ်အထက်တွင် ဆက်လက်တည်ရှိနိုင်သည်ဟုအသိ ပေးထားသည်။
ထို့ကြောင့် မယ်ဆိုင်ချောင်းအနီးနေထိုင်သူများနှင့် မြေနိမ့်ပိုင်းနေထိုင်သူများ သတိပြုနေထိုင်ကြရန် နှိုးဆေ-ာ်ထား သည်။
ပြီးခဲ့သည့်နှစ်က တာချီလိတ်မြို့တွင် ချောင်းရေမြင့်တက်ခြင်း၊ မြေပြိုကျဆင်များဖြစ်ပွားခဲ့ရာ လူေ-သဆုံးမှုများလည်း ဖြစ်ပေါ်ခဲ့ရသည်။