ပြီးခဲ့သည့် မတ် ၂၈ ရက်ကလှုပ်ခတ်ခဲ့သည့် အလွန်အင်အားပြင်းထန်သော မန္တလေးငလျင်ကြီးဒဏ်ကြောင့် သေဆုံးပျံလွန်တော်မူခဲ့သည့် ရဟန်း၊ ရှင်၊ လူပြည်သူများအားရည်စူး၍ တစ်လပြည့် နေ့ဆွမ်းဆက်ကပ်လှူဒါန်းပွဲကို ယနေ့ ဧပြီ ၂၈ ရက်နံနက်ပိုင်းက နေပြည်တော်၌ ကျင်းပခဲ့သည်။
နေ့ဆွမ်းဆက်ကပ်လှူဒါန်းပွဲသို့ နေပြည်တော်၊ လယ်ဝေးမြို့၊ ပေါက်မြိုင်ကျောင်းတိုက်၏ ပဓာနနာယကဆရာတော်၊ တပ်ကုန်းမြို့၊ နိုင်ငံတော်သြဝါဒါစရိ ယ၊ မဟာသီဟနာဓကျောင်းတိုက်ဆရာတော်ကြီးတို့အမှူးပြုသည့် ဆရာတော်၊ သံဃာတော်များကြွရောက်ချီးမြှင့်တော်မူခဲ့ကြပြီး နစက ဥက္ကဋ္ဌနှင့်ဇနီး၊ တာဝန်ရှိသူများတက်ရောက်ပူဇော်ခဲ့ကြသည်။
အခမ်းအနားတွင် နစက ဥက္ကဋ္ဌနှင့် ဇနီး၊ တာဝန်ရှိသူများက မဟာသီဟနာဓကျောင်းတိုက်ဆရာတော်ကြီးထံမှ ငါးပါးသီလခံယူဆောက်တည်ပြီး ဆရာ တော်၊ သံဃာတော်များက မေတ္တသုတ်ပရိတ်တရားတော်များကို ရွတ်ပွါးသရစ္ဇျယ်တော်မူခဲ့ကြသည်။
ထို့နောက် ပေါက်မြိုင်ကျောင်းတိုက်ဆရာတော်ကြီးထံ နစက ဥက္ကဋ္ဌနှင့်ဇနီးတို့က လှူဖွယ်ဝတ္တုပစ္စည်းများဆက်ကပ်လှူဒါန်းခဲ့ကြသည်။
ထို့အတူ နစက ဒု-ဥက္ကဋ္ဌနှင့်ဇနီး၊ တာဝန်ရှိသူများမှလည်း ကြွရောက်တော်မူလာကြသည့် ဆရာတော်၊ သံဃာတော်များအား လှူဖွယ်ဝတ္ထုပစ္စည်းများကိုဆက်ကပ်လှူဒါန်းခဲ့ကြပြီးနောက် ပါဠိတက္ကသိုလ်မင်္ဂ လာဇေယျုံကျောင်းတိုက်ဆရာတော်ထံမှ အနုမော ဒနာတရားနာယူကာ မန္တလေးငလျင်ကြီးဒဏ်ကြောင့် သေဆုံးပျံလွန်တော်မူခဲ့သည့် ရဟန်း၊ ရှင်၊ လူပြည်သူများအားရည်စူး၍ ရေစက်သွန်းချအမျှပေးဝေခဲ့ကြသည်။