ဖိလစ်ပိုင်နိုင်ငံ မြို့တော်မနီလာရှိ နီနွိုင်အကွီနို နိုင်ငံတကာလေဆိပ်(အင်န်အေအိုင်အေ) ဝင်ပေါက်အတွင်း ယနေ့ မေလ ၄ ရက်နေ့က ယာဉ်တို-က်မှုဖြစ်ခဲ့သောကြောင့် လေးနှစ်အရွယ် မိန်းကလေးအပါအဝင် လူနှစ်ဦး ေ-သဆုံးခဲ့ပြီး အများအပြားဒဏ်ရာရခဲ့သည်ဟု ကြက်ခြေနီအဖွဲ့က ပြောကြားခဲ့သည်။
ယာဉ်သည် အင်န်အေအိုင်အေ တာမင်နယ်ဝမ်း ဝင်ပေါက်အနီးရှိ အပြင်လက်ရန်းကို ဝင်တို-က်ကာ လျှောက်လမ်းအတွင်း ဝင်ရောက်ခဲ့သည်ဟု ယာဉ်တို-က်မှုနှင့် ပတ်သက်၍ သတင်းထုတ်ပြန်ရာတွင် လေဆိပ်က ပြောကြားခဲ့သည်။
“အထူးသဖြင့် ဆိုရှယ်မီဒီယာပေါ်မှ ပျံ့နှံ့ခဲ့တဲ့ ဓါတ်ပုံတွေကြောင့် ဒီဖြစ်ရပ်နဲ့ပတ်သက်တဲ့ စိုးရိမ်ပူပန်မှုတွေကို ကျွန်တော်တို့ နားလည်းပါတယ်။ ထင်ယောင်ထင်မှား သုံးသပ်တာမျိုးတွေ မလုပ်ကြဖို့နဲ့ မကြာခင်ထုတ်ပြန်လာမယ့် အတည်ပြုချက်တွေကို စောင့်ကြဖို့ တိုက်တွန်းပါတယ်” ဟု အင်န်အေအိုင်အေ ၏ သတင်း ထုတ်ပြန်ချက်တွင် ဖေါ်ပြထားသည်။
အခင်းဖြစ်ပွားရာ နေရာတွင် ရောက်ရှိနေသည့် ဖိလစ်ပိုင်ကြက်ခြေနီအသင်းက အဆိုပါဖြစ်ရပ်ကြောင့် အမျိုးသားတစ်ဦးနှင့် လေးနှစ်အရွယ် မိန်းကလေးတစ်ဦး ေ-သဆုံးခဲ့ကြောင်း ပြောကြားခဲ့သည်။
ဒေသတွင်း မီဒီယာများက ဆိုရှယ်မီဒီယာပလက်ဖောင်းများပေါ်တွင် တင်ခဲ့သည့် ဓါတ်ပုံများ၌ လူအချို့ မြေပြင်တွင် လဲကျနေခဲ့သည်ကို တွေ့ရသည်။
ဝင်ပေါက်တလျှောက်ရှိ မှန်များကွဲအက်နေကာ လေဆိပ်တံခါးများကို ဝင်တို-က်ပြီးနောက် အနက်ရောင် လေးဘီးယက် လမ်းကြမ်းမောင်းယာဉ် တစ်စီး အတော်ထိခိုက်ပျက်စီးသွားခဲ့သည်ကိုလည်း တွေ့ရသည်။
ဒဏ်ရာရရှိသူများကို ကုသပေးနေကြောင်းနှင့် ယာဉ်မောင်းဖြစ်သူကို ရဲတပ်ဖွဲ့က ထိန်းသိမ်းထားကြောင်း အင်န်အေအိုင်အေ က ပြောကြားခဲ့သည်။
Ref: သည်စထရိတ်တိုင်းမ်စ်