မကွေးတိုင်းနှင့် စစ်ကိုင်းတိုင်းတို့၌ ယနေ့ မေ ၂၆ ရက်က မိုးသည်းထန်စွာရွာသွန်းမှုကြောင့် သစ်ပင်လဲကျမှုများဖြစ်ပေါ်ခဲ့ကြောင်း မီးသတ်တပ်ဖွဲ့ထံမှ သိရသည်။
ယနေ့ မေ ၂၆ ရက်နံနက် ၈ နာရီခန့်က မကွေးတိုင်းဒေသကြီး၊ ပွင့်ဖြူမြို့တွင် မိုးသည်းထန်စွာရွာသွန်းမှုကြောင့် သက်တော်ရှည်ရပ်ကွက်၊ သက်တော်ရှည်ဘုန်းကြီးကျောင်းဝန်းအတွင်း၌သစ်ပင်လဲကျခဲ့သဖြင့် ပွင့်ဖြူမြို့နယ်မီးသတ်စခန်းမှတပ်ဖွဲ့ဝင်များက ဖယ်ရှားရှင်းလင်းပေးခဲ့ကြကြောင်း သိရသည်။
ထို့ပြင် နံနက် ၆ နာရီ ၄၅ မိနစ်ခန့်ကလည်း မကွေးတိုင်း၊ မကွေးမြို့၊ ဆားစည့်ရပ်ကွက်ရှိ မြို့နယ်ပြည်သူ့ကျန်းမာရေးဦးစီးဌာနရုံးရှေ့တွင် မိုးသည်းထန်စွာရွာသွန်းမှုကြောင့် သစ်ပင်လဲကျခဲ့၍ မကွေးမြို့နယ်မီးသတ်စခန်းမှတပ်ဖွဲ့ဝင်များက ဖယ်ရှားရှင်းလင်းပေးခဲ့ကြကြောင်း သိရသည်။
ထို့အတူ နံနက် ၈ နာရီခွဲတွင်လည်း မကွေးတိုင်း၊ ပခုက္ကူမြို့၊ လေယာဉ်ကွင်းအဟောင်းဝန်းအတွင်းရှိ ဘုန်းကြီးကျောင်းအဝင်လမ်းတွင် မိုးသည်းထန်စွာရွာသွန်းမှုကြောင့် သစ်ပင်လဲကျခဲ့ရာ ပခုက္ကူမြို့နယ်မီးသတ်စခန်းမှတပ်ဖွဲ့ဝင်များဖြင့် ဖယ်ရှားရှင်းလင်းပေးခဲ့ကြကြောင်း သိရသည်။
ထို့ပြင် စစ်ကိုင်းတိုင်း၊ မုံရွာမြို့တွင် နံနက် ၉ နာရီခွဲခန့်က မိုးသည်းထန်စွာရွာသွန်းမှုကြောင့် ချမ်းမြဝတီရပ်ကွက်၊ ရေကူးကန်လမ်း၌ သစ်ပင်လဲကျနေသဖြင့် မုံရွာမြို့နယ်မီးသတ်စခန်းမှတပ်ဖွဲ့ဝင်များ၊ ထန်းတောရပ်ကွက်အရန်မီးသတ်စခန်းမှတပ်ဖွဲ့ဝင်များ၊ ပေးဆပ်သူလူမှုကူညီရေးအသင်းဝင်များက ဖယ်ရှားရှင်းလင်းပေးခဲ့ကြကြောင်း သိရသည်။