ယခုနှစ်ကုန်ပိုင်းတွင် ရန်ကုန် – ဒလမြစ်ကူးတံတား တည်ဆောက်မှုပြီးစီးတော့မည်ဖြစ်သည်။
အဆိုပါတံတားကို၂၀၁၉ ခုနှစ်၊ မေလတွင် စတင်ဆောက်လုပ်ခဲ့ခြင်းဖြစ်ပြီး ဘုန်းကြီးလမ်းအပြင် ကမ်းနားလမ်းဘက်တွင်လည်း အတက်အဆင်းတဖက်စီ သတ်မှတ်ထားပြီး လူသွားလမ်းလည်း ပါရှိသည်။
ရန်ကုန်မြစ်ကူးတံတားစီမံကိန်းကို ကိုရီးယားနိုင်ငံမှချေးငွေ အမေရိကန်ဒေါ်လာ ၁၅၇ ဒသမ ၈၃၃ သန်းနှင့် မြန်မာဘက်က သန်း ၃၀ ကျော် ထည့်ဝင်ထားပြီး စုစုပေါင်းကုန်ကျစရိတ် အမေရိကန်ဒေါ်လာ ၁၈၈ ဒသမ ၁၇၄ သန်း သတ်မှတ်ထားကြောင်း၊ တံတားခံနိုင်ဝန် ယာဉ်တစီးကို ၇၅ တန် သယ်ယူခွင့် သတ်မှတ်ထားကြောင်း သိရသည်။
ပုံစာ – ရန်ကုန်မြစ်ကူး ဒလတံတားကို ရန်ကုန်ဘက်ခြမ်းမှ ဩဂုတ် ၂၄ တွင် တွေ့မြင်ရစဥ်
“ကာဂျီကီ”မုန်တိုင်း၏ အကြွင်းအကျန်များ မြန်မာ နိုင်ငံအတွင်းဖြတ်ကျော်ဝင်ရောက်မည်
တောင်တရုတ်ပင်လယ်ပြင်တွင်ဖြစ်ပေါ်နေသော တိုင်ဖွန်းမုန်တိုင်း”ကာဂျီကီ”၏ အကြွင်းအကျန်များသည် မြန်မာနိုင်ငံအတွင်းသို့ဖြတ်ကျော်ဝင်ရောက်မည်ဟု မိုးလေဝသမြန်မာ(ရန်ကုန်ဌာနခွဲ)၏ ယနေ့ သြဂုတ် ၂၅ ရက်ထုတ်ပြန်ချက်အရ သိရသည်။
ထိုသို့ မြန်မာနိုင်ငံအတွင်းဖြတ်ကျော်ဝင်ရောက်မည်ဖြစ်ရာ ယနေ့ သြဂုတ် ၂၅ ရက်မှ စက်တင်ဘာ ၁ ရက်အတွင်း တိုင်းနှင့်ပြည်နယ်အနှံ့၌ မိုးသည်းထန်စွာရွာသွန်းပြီး ဒေသအလိုက် မိုးကြီးခြင်း၊ မိုးသည်း ထန်ခြင်းနှင့် မိုးသက်လေပြင်းတိုက်ခတ်ခြင်းတို့ဖြစ်ပေါ်နိုင်ကြောင်း သိရသည်။
အဆိုပါ “ကာဂျီကီ”မုန်တိုင်းသည် သြဂုတ် ၂၇ ရက်တွင် ထိုင်း-လာအို-မြန်မာနယ်စပ်ဒေသတွင် အ ကြွင်းအကျန်ကုန်းတွင်းမုန်တိုင်းငယ်အဖြစ်၊ သြဂုတ် ၂၈ ရက်တွင် ရှမ်းပြည်နယ်(အရှေ့ပိုင်း)နှင့် (တောင်ပိုင်း)တို့၌ အကြွင်းအကျန်လေဖိအားနည်းရပ်ဝန်းအဖြစ် ပြန်လည်အားပျော့သွားနိုင်သည်ဟုလည်း မိုးလေဝသမြန်မာ(ရန်ကုန်ဌာနခွဲ)၏ခန့်မှန်းချက်အရ သိရသည်။
လက်ရှိအချိန်၌ တိုင်ဖွန်းမုန်တိုင်း”ကာဂျီကီ”သည် တောင်တရုတ်ပင်လယ်ပြင်မှ အနောက်ဘက်သို့ ရေ မိုင်(၂၂၁)မိုင်ရွေ့လျားခဲ့ရာ အရှေ့ဗီယက်နမ်ပင် လယ်ပြင်သို့ရောက်ရှိပြီး ပိုမိုအားကောင်းလာခဲ့ကြောင်း သိရသည်။