ကရင်ပြည်နယ်၊ ဘားအံမြို့၌ ပြီးခဲ့သည့်ရက်ပိုင်းအတွင်းက မိုးသည်းထန်စွာရွာသွန်းပြီး သံလွင်မြစ်ရေမြင့်တက်ကာ မြို့၏နေရာအများအပြားတွင် ရေကြီးရေလျှံမှုများဖြစ်ပေါ်ခဲ့ရာမှ ရေများပြန်လည်ကျဆင်းလာလျက်ရှိကြောင်း သိရသည်။
ထိုသို့ ရေများပြန်လည်ကျဆင်းလာသဖြင့် ရေကြီးရေလျှံခဲ့သည့် ဘားအံမြို့၊ ကမ်းနားလမ်းရှုခင်းသာနှင့် ကမ်းနားလမ်းတစ်လျှောက်၊ အ.မ.က(၁၅)၊ အ. မ.က(၁၈)၊ အ.ထ.က(ခွဲ)(၂)တို့တွင် ယာဉ်၊ ယန္တရားများအသုံးပြု၍ တင်ကျန်ရစ်ခဲ့သည့် သဲနှုန်းများကို မီးသတ်ပိုက်များဖြင့်ဆေးကြောသန့်စင်ခြင်း၊ ရေ ကြီးနစ်မြုပ်ခဲ့သည့် ရေတွင်း၊ ရေကန်များအား စုပ်ထုတ်သန့်စင်ပေးခြင်း၊ ဆေးခပ်ခြင်း၊ ရေမြောင်းများရေစီးရေလာကောင်းမွန်စေရေးဆောင်ရွက်ခြင်းတို့ကိုပြုလုပ်ခဲ့ကြကြောင်း သိရသည်။
အဆိုပါ စုပေါင်းသန့်ရှင်းရေးအား မြို့နယ်စည်ပင် သာယာရေးအဖွဲ့ဝင်များ၊ မီးသတ်တပ်ဖွဲ့ဝင်များ၊ မြို့မိ/မြို့ဖများ၊ ရပ်ကွက်နေသူများ၊ ကျောင်းအကျိုးတော်ဆောင်အဖွဲ့ဝင်များ၊ ကျောင်းသားမိဘများနှင့် ဆရာ၊ ဆရာမများက ပူးပေါင်းဆောင်ရွက်ခဲ့ကြကြောင်း သိရသည်။