နေပြည်တော်၊ စက်တင်ဘာ ၁၁
၂၀၂၆ ခုနှစ်၊ စက်တင်ဘာလ ၁၁ ရက်၊ နံနက် ၁၀:၃၀ နာရီအချိန်ထုတ်ပြန်ချက်အရ ဘင်္ဂလားပင်လယ်အော် အနောက်မြောက်ပိုင်းတွင် ဖြစ်ပေါ်နေသော လေဖိအားနည်းရပ်ဝန်း (Low Pressure Area)သည် ဆက်လက်တည်ရှိနေကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနမှ သိရသည်။
လာမည့် ၂၄ နာရီအတွင်း မြန်မာ့ပင်လယ်ပြင်တွင် လှိုင်းအသင့်အတင့်မှ လှိုင်းကြီးနိုင်ကြောင်း မိုးလေဝသနှင့်ဇလဗေဒဦးစီးဌာန၏ ထုတ်ပြန်ချက်အရ သိရသည်။
ရန်ကုန်မှ တနင်္သာရီကမ်းရိုးတန်းတစ်လျှောက် ပင်လယ်ပြင်တွင် နေရာအနှံ့ မိုးထစ်ချုန်းရွာပြီး နေရာကွက်၍ မိုးကြီးနိုင်ကာ ရေပြင်လေမှာ အနောက် သို့မဟုတ် အနောက်တောင်မှ တစ်နာရီလျှင် ပင်လယ်မိုင် ၁၀ မှ ၁၅ မိုင်အထိ တိုက်ခတ်နိုင်ပြီး တစ်ခါတစ်ရံ ၂၅ မိုင်မှ ၃၀ မိုင်အထိ တိုက်ခတ်နိုင်သည်။
အဆိုပါ ကမ်းရိုးတန်းတစ်လျှောက်တွင် လှိုင်းအမြင့် ၇ ပေမှ ၉ ပေခန့် ရှိနိုင်သည်။
ထို့အတူ ရန်ကုန်မှ ရခိုင်ကမ်းရိုးတန်းတစ်လျှောက်တွင်လည်း နေရာအနှံ့ မိုးထစ်ချုန်းရွာနိုင်ပြီး ရေပြင်လေမှာ တောင် သို့မဟုတ် အနောက်တောင်မှ တစ်နာရီလျှင် ပင်လယ်မိုင် ၁၀ မှ ၁၅ မိုင်၊ တစ်ခါတစ်ရံ ၂၅ မိုင်မှ ၃၀ မိုင်အထိ တိုက်ခတ်နိုင်ကြောင်း သတိပေးထား သည်။
ရခိုင်ကမ်းရိုးတန်းတစ်လျှောက်တွင်လည်း လှိုင်းအသင့်အတင့်မှ လှိုင်းကြီးနိုင်ပြီး လှိုင်းအမြင့် ၇ ပေမှ ၉ ပေခန့်အထိ ရှိနိုင်ကြောင်း သိရသည်။
လက်ရှိဘင်္ဂလားပင်လယ်အော် အနောက် မြောက်ပိုင်းတွင် လေဖိအားနည်းရပ်ဝန်း ဆက်လက်တည်ရှိနေပြီး ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေအားအသင့်အတင့်ရှိနေကြောင်း သိရသည်။