ဘက်ဂရမ်လေတပ်အ‌​ခြေစိုက်စခန်းကိုချက်ခြင်းပြန်လိုချင်သည်–ထရမ့်ပ်

တာလီဘန်တို့ထိန်းချုပ်ထားသော အာဖဂန်နစ္စတန်နိုင်ငံသည် ဘက်ဂရမ် လေတပ်အခြေစိုက်စခန်းကိုပြန်မပေးပါက ပြစ်ဒ-ဏ်ချမှတ်ရလိမ့်မည်ဟု အမေရိကန်သမ္မတ ဒေါ်နယ်ထရမ့်ပ်က စနေနေ့တွင် အာဖဂန်နစ္စတန်ကို သတိပေးလိုက်သည်။ သို့သော် မည်သို့သောပြစ်ဒ-ဏ်ချမှတ်မည်ဆိုသည်ကိုမူ တိတိကျကျ ပြောကြားခဲ့ခြင်းမရှိပေ။

“တကယ်လို့ အာဖဂန်နစ္စတန်က ဘက်ဂရမ်လေတပ်အခြေစိုက်စခန်းကို တည်ဆောက်ခဲ့သူဖြစ်တဲ့ အမေရိကန်ပြည်ထောင်စုကို ပြန်လွှဲမပေးဘူးဆိုရင် ဆိုးရွားတာတွေ ဖြစ်လာမှာပါ” ဟု အသက် ၇၉ နှစ်အရွယ် သမ္မတက ၎င်း၏ ထရုသ်ဆိုရှယ်ပလက်ဖောင်းတွင် ရေးသားခဲ့သည်။

ထရမ့်ပ်သည် ဗြိတိန်နိုင်ငံခရီးစဉ်အတွင်း လေတပ်စခန်းကို အမေရိကန်ပြည်ထောင်စုက ပြန်ထိန်းချုပ်ရန် စိတ်ကူးပေါ်ခဲ့ပြီးနောက် ရက်ပိုင်းအကြာတွင် ယခုကဲ့သို့ မရေရာသော ခြိမ်းခြောက်မှုထွက်ပေါ်လာခြင်းဖြစ်သည်။

၂၀၀၁ ခုနှစ် စက်တင်ဘာလ ၁၁ ရက် နေ့တွင် အမေရိကန်ပြည်ထောင်စုကို အကြမ်းဖ-က်တို-က်ခို-က်မှုကြီးဖြစ်ပွားခဲ့ပြီးနောက်ပိုင်း ဝါရှင်တန်သည် အာဖဂန်ရှိ တာလီဘန်အစိုးရကို ဖြုတ်ချခဲ့သည်။ အာဖဂန်နစ္စတန်၏ အကြီးဆုံးလေတပ်စခန်းဖြစ်သော ဘာဂရမ်သည် တာလီဘန်တို့အပေါ်ဆင်နွှဲခဲ့သော အမေရိကဦးဆောင်သည့် စစ်ပွဲတွင်အဓိကကျသော ကလေတပ်စခန်းတစ်ခုဖြစ်သည်။

Ref: အင်န်ဒီတီဗီ