ဗိုလ်ကျစိုးမိုးရေးဝါဒကိုပြုံယမ်း နှင့်အတူ တို-က်ဖျ-က်သွားမည်–ရှီ

      
မြောက်ကိုရီးယားနိုင်ငံနှင့် ဆက်ဆံရေးမြှင့်တင်ရန်သည် တရုတ်နိုင်ငံ၏ မယိမ်းယိုင်သော မူဝါဒဖြစ်ကြောင်း၊ ဗိုလ်ကျစိုးမိုးရေးဝါဒနှင့် စစ်ဝါဒကို ပြန်လည်အသက်သွင်းရန် ကြိုးပမ်းမှုများကို တို-က်ဖျ-က်ရန် အတူအကွလုပ်ဆောင်သွားမည်ဖြစ်ကြောင်း တရုတ်သမ္မတ ရှီကျင့်ဖျင်က ပြောကြားခဲ့သည်ဟု မြောက်ကိုရီးယားနိုင်ငံပိုင် ရိုဒေါင် ရှင်မွန်းသတင်းစာက ဇွန်လ ၈ ရက်နေ့တွင် သတင်းဖော်ပြခဲ့သည်။
       
အိမ်နီးချင်းနှစ်နိုင်ငံသည် ဆက်ဆံရေးဖွံ့ဖြိုးတိုးတက်ရန်နှင့် ညီမျှပြီး တရားမျှတသော ကမ္ဘာ့အစီအစဉ်ကို ကာကွယ်စောင့်ရှောက်ရေးတွင် ခိုင်မာသော အရှိန်အဟုတ်ကို ရရှိစေရန်အတွက် နယ်ပယ်အားလုံးတွင် ဖလှယ်မှုများကို ပိုမိုလုပ်ဆောင်မည်ဟု ရှီက မှတ်ချက်ပြုခဲ့သည်။
        
“ဗိုလ်ကျစိုးမိုး‌ရေးဝါဒ၊ အာဏာရှင်ဝါဒနှင့် ဒေသတွင်း လုံခြုံရေးနှင့် တည်ငြိမ်ရေးကို အန္တရာယ်ဖြစ်စေသော စစ်ဝါဒကို ပြန်လည်အသက်သွင်းရန် ကြိုးပမ်းမှု၊ ပူးပေါင်းကြံစည်မှုအားလုံးကို ကျွန်ုပ်တို့ ဆန့်ကျင်ရမယ်” ဟု ရှီက ပြောကြားခဲ့သည်။
        
ဘုံပန်းတိုင်ရှိသော လူ့အသိုက်အဝန်းကို တည်ဆောက်ရာတွင် ကမ္ဘာကြီးအတွက် အကျိုးရှိစေမည့် တရားမျှတပြီး စနစ်တကျရှိသော ဘက်စုံဝါဒနှင့် အားလုံးပါဝင်သော စီးပွားရေးကို ကမ္ဘာတစ်ဝန်းဆက်စပ် ပြောင်းလဲဆောင်ရွက်ရေးကို မြှင့်တင်ရန် မြောက်ကိုရီးယားနှင့် ပူးပေါင်းလုပ်ဆောင်သွားမည်ဟုလည်း ရှီက ကတိပြုခဲ့သည်။
     
ရှီသည် ခုနစ်နှစ်အတွင်း ပထမဆုံးအဖြစ် နှစ်ရက်ကြာခရီးစဉ်အတွက် ဇွန်လ ၈ ရက်နေ့တွင် မြောက်ကိုရီးယားကို ရောက်ရှိမည်ဖြစ်ပြီး မြောက်ကိုရီးယားခေါင်းဆောင် ကင်မ်ဂျုံအန်နှင့် ဆွေးနွေးမည်ဖြစ်သည်။

Ref: သယ်စထရိတ်တိုင်းမ်စ်