ဗဟိုဘဏ်မှတရားဝင်ခွင့်ပြုထားခြင်းမရှိသည့် Mobile Pay/Mobile Wallet လုပ်ငန်းလုပ်ဆောင်နေသူများအား စစ်ဆေးတွေ့ရှိပါက အရေးယူသွားမည်
ဗဟိုဘဏ်မှတရားဝင်ခွင့်ပြုထားသည့်ဘဏ်၊ငွေ ရေးကြေးရေးအဖွဲ့အစည်းများနှင့်ကုမ္ပဏီများ စာ ရင်းအား ဗဟိုဘဏ်၏တရားဝင် Website ဖြစ်သည့် www.cbm.gov.mm တွင်ဖော်ပြထားသည်။
လက်ရှိအချိန်တွင် တရားဝင်ခွင့်ပြုထားခြင်းမရှိသည့် Mobile Pay/Mobile Wallet နှင့်ငွေပေးချေမှုဝန်ဆောင်မှုပေးသည့် လုပ်ငန်းများမှတစ်ဆင့် သုံးစွဲသူများအချင်းချင်းငွေလွှဲပြောင်းခြင်း၊ကုန် စည်ဝယ်ယူခြင်းများဆောင်ရွက်နိုင်ကြောင်း Social Media Platform များတွင် ကြေညာနေ သည်အား တွေ့ရှိရသည်ဟု ဗဟိုဘဏ်မှ ဇွန် ၁၀ ရက်တွင်ထုတ်ပြန်ကြေညာခဲ့သည်။
အဆိုပါ Mobile Pay/Mobile Wallet နှင့်ငွေပေး ချေမှုဝန်ဆောင်မှုပေးသည့် လုပ်ငန်းများသည် စ နစ်တကျကြီးကြပ်ကွပ်ကဲမှုအောက်တွင်မရှိသ ဖြင့် ပြည်သူများအနေဖြင့် ဆုံးရှံးမှုများဖြစ်ပေါ်နိုင်သဖြင့် ယင်းလုပ်ငန်းလုပ်ကိုင်နေသူများအား ဗဟိုဘဏ်မှ စစ်ဆေးတွေ့ရှိရပါက ငွေရေးကြေး ရေးအဖွဲ့အစည်းများဥပဒေပုဒ်မ -၁၇၂ အရ ထောင်ဒဏ်(သို့)ငွေဒဏ်(သို့)ဒဏ်နှစ်ရပ်လုံးဖြစ်စေ ချမှတ်ခံရမည်ဟု ဗဟိုဘဏ်မှထုတ်ပြန်ကြေ ညာခဲ့သည်။
ဗဟိုဘဏ်မှ ဘဏ်များနှင့်ငွေရေးကြေးရေးအဖွဲ့အစည်းများအား ဗဟိုဘဏ်ဥပဒေပုဒ်မ-၄၀ နှင့် ၇၉ ၊ငွေရေးကြေးရေးအဖွဲ့အစည်းများဥပဒေပုဒ် မ-၅၊ ၁၂၉ နှင့် ၁၃၀၊မိုဘိုင်းငွေရေးကြေးရေးဝန် ဆောင်မှုဆိုင်ရာစည်းမျဉ်း၊မိုဘိုင်းဘဏ်လုပ်ငန်းဆိုင်ရာညွှန်ကြားချက်၊အီလက်ထရောနစ်ကတ်ဖြင့်ပေးချေမှုဆိုင်ရာညွှန်ကြားချက်တို့နှင့်အညီ လုံခြုမှုနှင့်ထိရောက်သည့် ငွေပေးချေမှုများဆောင်ရွက်နိုင်ရန်ခွင့်ပြုပေးထားသည်။
ထို့သို့ ခွင့်ပြုပေးရာတွင် မိုဘိုင်းဘဏ်လုပ်ငန်းဆောင်ရွက်ရန်ဘဏ် ၁၈ ဘဏ်၊အင်တာနက်ဘဏ်လုပ်ငန်းဆောင်ရွက်ရန် ဘဏ် ၁၀ ဘဏ်၊မိုဘိုင်းငွေပေးချေမှု(Mobile Pay)ဆောင်ရွက်ရန် ဘဏ် ၈ ဘဏ်၊မိုဘိုင်းငွေရေးကြေးရေးဝန် ဆောင်မှုလုပ်ငန်းဆောင်ရွက်ရန်အဖွဲ့အစည်း ၅ ခု ၊ Transportation Card နှင့် Shopping Card စသည့် ကတ်ပေးချေမှုလုပ်ငန်းများဆောင်ရွက်ရန် အဖွဲ့အစည်း ၇ ခုနှင့်ရောင်းချသူကိုယ်စားငွေကောက်ခံရှင်းလင်းသည့် ဝန်ဆောင်မှုလုပ်ငန်းဆောင်ရွက်ရန် ကုမ္ပဏီ ၄ ခုတို့အား ခွင့်ပြု၍ကြီး ကြပ်ထိန်းကျောင်းပေးလျက်ရှိသည်။