ဖျာပုံနှင့်မအူပင်မြို့နယ်တို့တွင် ပစ်ခတ်တိုက်ခိုက်သတ်ဖြတ်မှုများနှင့်ဖောက်ခွဲဖျက်ဆီးမှုများပြု လုပ်ခဲ့ကြသူ ၁၉ ဦးအား လက်နက်/ခဲယမ်းများနှင့်အတူ ဖမ်းဆီးရမိ
ဧရာဝတီတိုင်း၊ဖျာပုံနှင့်မအူပင်မြို့နယ်တို့တွင် ပစ် ခတ်တိုက်ခိုက်သတ်ဖြတ်မှုများ၊ဖောက်ခွဲဖျက် ဆီးမှုများပြုလုပ်ခဲ့ကြသူ ၁၉ ဦးအား သြဂုတ် ၂၉ ရက်မှစတင်၍ လုံခြုံရေးအဖွဲ့ဝင်များက လက် နက်ခဲယမ်းများနှင့်အတူ အသီးသီးဖော်ထုတ်ဖမ်းဆီးရမိခဲ့သည်ဟု နစက ကထုတ်ပြန်ခဲ့သည်။
ဖမ်းဆီးရမိမှုများတွင် သြဂုတ် ၂၃ ရက်က ဖျာပုံမြို့နယ်၊ချောင်းတွင်းကျေးရွာအနီးရှိ KM စား သောက်ဆိုင်သို့ လက်နက်ကိုင်အဖွဲ့ဝင် ၄ ဦးရောက်ရှိလာကာ အမျိုးသမီး ၂ ဦးအား “ဒလန်” ဟုစွတ်စွဲ၍ သေနတ်ဖြင့်ပစ်သတ်ကာ ရွှေထည်ပ စ္စည်းအချို့အား လုယက်ယူဆောင်သွားခဲ့ကြသည်။
သေနတ်ဖြင့်ပစ်ခတ်ခံရသည့် အမျိုးသမီး ၂ ဦးအား ကျည်ထိမှန်ဒဏ်ရာများရရှိခဲ့သဖြင့် ဖျာပုံပြည်သူ့ဆေးရုံသို့ ဆေးကုသမှုခံယူရန် ပို့ဆောင် စဉ်သေဆုံးသွားခဲ့၍ ပြစ်မှုကျူးလွန်သူများအား ဖမ်းဆီးရမိရန် လုံခြုံရေးအဖွဲ့ဝင်များက စုံစမ်းစစ်ဆေးခဲ့ကြသည်။
ထို့ကြောင့် ပြစ်မှုကျူးလွန်ရာတွင်ပါဝင်သည့် Black Dragon Force Pyapon-BDFP အဖွဲ့ဝင်များဖြစ်သည့် ကောင်းစည်သူ၊အောင်မိုးမြင့်(ခ)အေးမင်းသူ(ခ)အေးမင်းနှင့်သိမ့်တြာလှိုင် တို့အား သြဂုတ် ၂၉ ရက်နံနက်ပိုင်းက ဖမ်းဆီးရမိခဲ့သည်။
ဖမ်းဆီးရမိသူများအား စစ်ဆေးချက်အရ ဩ ဂုတ် ၃၁ ရက်နံနက်ပိုင်းတွင် BDFP အဖွဲ့ဝင် တီးတီး(ခ)ကိုကိုအောင်နှင့်စံလင်းစံ၊ စက်တင်ဘာ ၁ ရက်နံနက်ပိုင်းတွင် ဟိန်းသူလွင်(ခ)သာကဒိုး၊ဇော်မင်းသူ(ခ)မက်စီ(ခ)မျောက်ကြီး၊ကျော်သူရ၊ကျော်ဇောဦး၊ နေ့လည်ပိုင်းတွင် ဝင်းမြတ်သိန်းဇော်နှင့်မအူပင် PDF အဖွဲ့ဝင်များဖြစ်သည့် စိုင်းနောင်(ခ)လက်ယာ၊မျိုးမင်းဦး၊ဝေဖြိုးအောင်၊သူရဦးနှင့်ငြိမ်းချမ်း တို့အားအသီးသီးထပ်မံဖမ်းဆီးရမိခဲ့သည်။
ထို့ပြင် ယင်းနေ့ညနေပိုင်း၌ BDFP အဖွဲ့ဝင် ကျော်ဆန်းဦးနှင့်သူရဖြိုး(ခ)ဝတုတ် တို့အားထပ်မံဖမ်း ဆီးရမိခဲ့ပြီး ဖမ်းဆီးစဉ် သူရဖြိုး(ခ)ဝတုတ် မှအဖမ်းမခံဘဲ လုံခြုံရေးအဖွဲ့ဝင်များ၏ သေနတ်အားလုယူ၍ ထွက်ပြေးရန်ကြိုးစားခဲ့သဖြင့် ခြောက် လှန့်ပစ်ခတ်ဖမ်းဆီးခဲ့ရပြီး နေ့လည်ပိုင်းကလည်း BDFP အဖွဲ့ဝင် ရဲဇော်ထက်(ခ)မောင်မောင်၊ထွန်းထွန်းဦး(ခ)စနေ တို့အားဖမ်းဆီးရမိခဲ့သည်။
ဖြစ်စဉ်မှ အမျိုးသား ၁၈ ဦးနှင့်အမျိုးသမီး ၁ ဦး (စုစုပေါင်း ၁၉ ဦး)အား ပစ္စတို ၄ လက်၊ ကျည်မျိုးစုံ ၁၉၈ တောင့်၊ ကျည်အိမ် ၂ ခု၊ လက်ပစ်ဗုံး ၁ လုံး၊ လက်လုပ်မိုင်း ၂ လုံး၊ ဖောက်ခွဲရေးဆက်စပ်ပစ္စည်းများ၊ သတ်ဖြတ်ခံခဲ့ရသည့် အမျိုးသမီး ၂ ဦးအမည်ပါ ကျောင်းသားကတ် ၁ ခု၊ နိုင်ငံသားစိစစ်ရေးကတ် ၁ ခု၊ ဆွဲကြိုး ၁ ကုံး၊ ဟန်းချိန်း ၁ ခု၊ လက်ပတ်နာရီ ၁ လုံးတို့နှင့်အတူ ဖမ်းဆီးရမိခဲ့သည်။
အလားတူ ဖျာပုံနှင့်မအူပင်မြို့နယ်တို့၌ ဖြစ်ပွားခဲ့သည့် သတ်ဖြတ်ခံရမှုများနှင့်ဖောက်ခွဲတိုက်ခိုက်မှုများကိုလည်း ဖော်ထုတ်သိရှိခဲ့ရသဖြင့် ဖမ်းဆီးရမိသူများအား ဥပဒေအရထိရောက်စွာအရေးယူရန် ဆောင်ရွက်လျက်ရှိကြောင်း သိရသည်။