ယခု နိုဝင်ဘာလအတွက် ထုတ်ပြန်လိုက်သည့် ကမ္ဘာ့အဆင့် အမျိုးသားလက်ရွေးစင် သတ်မှတ်ချက်၌ မြန်မာ့လက်ရွေးစင်အသင်းသည် အဆင့်နှစ်ဆင့်ထပ်ကျကာ ကမ္ဘာ့အဆင့် (၁၆၇) တွင် ရှိနေသည်။
မြန်မာအသင်းသည် နိုဝင်ဘာလအတွင်း ကစားခဲ့သည့် ဖီဖာနိုင်ငံတကာခြေစမ်းပွဲ နှစ်ပွဲ၌ စင်ကာပူနှင့် လက်ဘနွန် နှစ်သင်းလုံးကို (၃) ဂို (၂)ဂိုးဖြင့် ရှုံးနိမ့်ခဲ့ခြင်း ဖြစ်သည်။
နိုဝင်ဘာလအတွက် ထုတ်ပြန်လိုက်သည့် ကမ္ဘာ့အဆင့် အမျိုးသားလက်ရွေးစင်အသင်း သတ်မှတ်ချက်များအရ အာဆီယံဒေသအတွင်း ထိုင်းလက်ရွေးစင်အသင်းက အာဆီယံနံပါတ်တစ်အဖြစ် ဦးဆောင်နေသည်။
လက်တလောတွင် ခြေစွမ်းပိုမိုမြင့်မားလာသည့် အင်ဒိုနီးရှားက အဆင့်ငါးဆင့်မြင့်တက်ခဲ့ပြီး အာဆီယံ၏ နံပတ်သုံးနေရာတွင် ရပ်တည်နေပြီး ဗီယက်နမ်သည်လည်း အာဆီယံ၏ အဆင့်နှစ် နေရာတွင် ရပ်တည်နေသည်။
မြန်မာအသင်းသည် အနီးစပ်ဆုံး အာဆီယံပြိုင်ပွဲအဖြစ် မစ်ဆူဘီရှီဖလား အုပ်စု ပွဲစဉ်များ ကစားရန်ရှိနေပြီး အင်ဒိုနီးရှား၊ လာအို ၊ ဖိလစ်ပိုင်၊ ဗီယက်နမ်တို့နှင့် ယှဉ်ပြိူင်ကစားရမည် ဖြစ်သည်။
လက်ရှိတွင် မြန်မာအသင်းကို လက်ရွေးစင်ကစားသမားဟောင်း ဦးမျိုးလှိုင်ဝင်းက ကိုင်တွယ်နေပြီး နိုင်ငံတကာ ခြေစမ်းပွဲများ၌ လက်ဘနွန်နှင့် စင်ကာပူအသင်းတို့ကို ရှုံးနိမ့်ထားပြီး သီရိလင်္ကာအသင်းကို တစ်ပွဲနိုင်၊ တစ်ပွဲသရေ ရရှိထားသည်။