မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ မူးယစ်ဆေးဝါးဖမ်းဆီးမှုများကိုအရှိန်အဟုန်မြှင့်ဆောင် ရွက်လျက်ရှိ၍ ဘီလီယံချီရှိသည့် မူးယစ်ဆေးဝါးများအား ဖမ်းဆီးရမိမှုစိတ်လာခဲ့ရာ ကလေးမြို့သို့သယ်ဆောင်သည့် ငွေကျပ်(၁ ဒသမ ၇)ဘီလီယံကျော်တန်ဖိုးရှိ ဘိန်းဖြူ(၅၆ ဒသမ ၃၆)ကီလိုကို ထပ်မံဖမ်းဆီးရမိခဲ့ကြောင်း သိရသည်။
မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့ဝင်များပါဝင်သောပူးပေါင်းအဖွဲ့သည် ဩဂုတ် ၇ ရက်ည ၈ နာရီခွဲက တောင်ကြီးမြို့၊ အေးသာယာကားကြီးဝင်းတွင် သိန်းထွန်းဦး(ခ)ဘိုဘိုအား မန္တလေးသို့ လူမဲ့တန်ဆာဖြင့်တင်ပို့မည့် WATER COOLER (၈)လုံးအတွင်းမှ ပလတ်စတစ်ဆပ်ပြာခွက်များဖြင့်ထည့်ထားသည့် ဘိန်းဖြူ(၇ ဒသမ ၀၂)ကီလိုနှင့်အတူ ဖမ်းဆီးရမိခဲ့ကြောင်း သိရသည်။
စစ်ဆေးချက်များအရ ဘိန်းဖြူများအား WATER COOLER များအအတွင်းထည့်သွင်း၍ ကားဂိတ်များမှတစ်ဆင့် လူမဲ့တန်ဆာဖြင့် စစ်ကိုင်းတိုင်း၊ က လေးမြို့သို့တင်ပို့ထားကြောင်းဖော်ထုတ်သိရှိခဲ့ရသဖြင့် ဩဂုတ် ၈ ရက်နံနက် ၈ နာရီခွဲတွင် ပြည်ကြီးတံခွန်မြို့နယ်၊ မြို့ပတ်လမ်းရှိ ကုန်စည်ဂိတ်၌ ဇင်ကိုအောင်(ခ)အောင်သူအား WATER COOLER (၁၃)လုံး၊ ၎င်းတည်းခိုနေထိုင်သည့်တည်းခိုခန်းတွင် မင်းမင်းဇော်(ခ)ကိုဇော်အား WATER COOLER (၁၀)လုံး၊ သီရိမင်္ဂလာကားဝင်းရှိကား ဂိတ်သို့ လူမဲ့တန်ဆာဖြင့်ပေးပို့ထားသော WATER COOLER (၁၁)လုံး၊ ချမ်းမြရွှေပြည်ကားဝင်းရှိကားဂိတ်မှ WATER COOLER (၅)လုံးတို့အား ထပ်မံဖမ်းဆီးရမိခဲ့ကြောင်း သိရသည်။
ထို့အတူ မန္တလေးမြို့မှကလေးမြို့သို့ လူမဲ့တန်ဆာဖြင့်တင်ပို့ထားသော WATER COOLER (၂)လုံးအား မုံရွာမြို့၊ မုံရွာတောင်ရပ်ကွက်ရှိကားဂိတ်၊ မုံရွာမြို့၊ သလ္လာရပ်ကွက်ရှိနေအိမ်မှ WATER COOLER (၁၄)လုံးတို့အား ထပ်မံသိမ်းဆည်းရမိခဲ့ကြောင်း သိရသည်။
စစ်ဆေးချက်များအရ ဘိန်းဖြူများအား လားရှိုးမှ ကလေးသို့တာဝန်ခံသယ်ဆောင်သူ ဘောက်လာ (ခ)ဂျိမ်းဖော၊ ဘိန်းဖြူများအားဝယ်ယူ၍ ကလေးမြို့သို့သယ်ဆောင်ခိုင်းသူ စိန်းလျံထန်နှင့် အာကာလင်း၊ မန္တလေးမှကလေးသို့ ဘိန်းဖြူများအား တာ ဝန်ခံသယ်ဆောင်သူ ချစ်မင်းဟန်(ခ)အစွယ်တို့အား ထပ်မံဖမ်းဆီးရမိခဲ့ကြောင်း သိရသည်။
ထို့ကြောင့် ဖမ်းဆီးရမိသူများအား မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရအရေးယူထားပြီး ဆက်စပ်ပြစ်မှုကျူးလွန်သူများအား ထပ်မံဖမ်းဆီးရမိရေးအတွက် စုံစမ်းစစ်ဆေးလျက်ရှိကာ ၎င်းတို့မူးယစ်ဆေးဝါး သယ်ဆောင်ရောင်းဝယ်ရာမှရရှိသည့် ငွေကြေးအ ကျိုးအမြတ်များ၊ ပိုင်ဆိုင်မှုများကိုပြည်သူ့ဘဏ္ဍာအဖြစ်သိမ်းဆည်းနိုင်ရန် ငွေကြေးခဝါချမှုတိုက်ဖျက်ရေးဥပဒေဖြင့် ထပ်မံအရေးယူနိုင်ရေးအတွက်လည်း ဆောင်ရွက်လျက်ရှိကြောင်း သိရသည်။