ပြီးခဲ့သည့် တစ်နှစ်အတွင်း မြန်မာအလုပ်သမား ၄၀၀၀ ခန့်အား ပြည်ပနိုင်ငံများသို့ စေလွှတ်နိုင်ခဲ့

ပြီးခဲ့သည့် တစ်နှစ်အတွင်း မြန်မာအလုပ်သမား ၄၀၀၀ ခန့်အား ပြည်ပနိုင်ငံများသို့ စေလွှတ်နိုင်ခဲ့

မြန်မာနိုင်ငံသားအလုပ်သမား ၃၅၆၄ ဦးအား ၂၀၂၁ ခုနှစ်၊ဖေဖော်ဝါရီ ၁ ရက်မှ ၂၀၂၂ ခုနှစ်၊ဇန်နဝါရီ ၃၁ ရက်အထိ တစ်နှစ်အတွင်း ပြည်ပနိုင်ငံ ၄၅ နိုင်ငံသို့စေလွှတ်နိုင်ခဲ့သည်ဟု အလုပ်သ မားဝန်ကြီးဌာန၊ပြည်ထောင်စုဝန်ကြီးဦးမြင့်ကြိုင်ကပြောသည်။

ကိုဗစ်(၁၉)ရောဂါ ကူးစက်မှုပြန်လည်များပြားလာသဖြင့် စက်ရုံ၊အလုပ်ရုံများတွင် အလုပ်ရှင်၊အလုပ်သမားများ၏ အခက်အခဲများဖြေရှင်းရေးအတွက် အစိုးရ၊အလုပ်ရှင်၊အလုပ်သမားသုံးပွင့် ဆိုင်လုပ်ငန်းညှိနှိုင်းအစည်းအဝေး၌ ပြောကြားခဲ့ခြင်းဖြစ်သည်။

ထိုသို့ စေလွှတ်ရာတွင် အလုပ်သမားအေဂျင်စီ၊ အဆင့်မြင့်ကျွမ်းကျင်လုပ်သားများအား မိမိအစီ အစဉ်တို့ဖြင့် စေလွှတ်ခဲ့ခြင်းဖြစ်သည်။

မြန်မာအလုပ်သမားများအား စင်ကာပူနိုင်ငံသို့ ၂၁၈၅ ဦး၊ကိုရီးယားနိုင်ငံသို့ ၂၂၅ ဦး၊ဂျပန်နိုင်ငံသို့ ၂၆၂ ဦး၊မလေးရှားနိုင်ငံသို့ ၈၄ ဦးနှင့်အခြား ၄၁ နိုင်ငံသို့ ၈၀၈ ဦး(စုစုပေါင်း ၃၅၆၄ ဦး)စေ လွှတ်နိုင်ခဲ့သည်ဟု ပြည်ထောင်စုဝန်ကြီး၏ပြောကြားချက်အရ သိရသည်။

ထို့ပြင် မြန်မာနိုင်ငံနှင့်ကိုရီးယားနိုင်ငံတို့တွင် ကိုဗစ်(၁၉)ရောဂါကူးစက်မှု လျော့ကျလာသဖြင့် ကိုဗစ်(၁၉)ရောဂါကာကွယ်ထိန်းချုပ်ခြင်းဆိုင်ရာ စည်းကမ်းသတ်မှတ်ချက်များနှင့်အညီ ၂၀၂၁ ခုနှစ်၊ဒီဇင်ဘာ ၂၉ ရက်မှစတင်၍ ကိုရီးယားနိုင်ငံသို့ အလုပ်သမားများပြန်လည်စေလွှတ်လျက်ရှိရာ ၂၀၂၂ ခုနှစ်၊ဖေဖော်ဝါရီ ၂၀ ရက်အထိ Re-entry လုပ်သား ၁၆၂ ဦး၊ Regular လုပ်သား ၁၉၄ ဦး(စုစုပေါင်း ၃၅၆ ဦး)အား စေလွှတ်နိုင်ခဲ့သည်ဟု ပြည်ထောင်စုဝန်ကြီးဦးမြင့်ကြိုင်၏ ပြောကြားချက်အရသိရသည်။

ထို့အတူကိုဗစ်(၁၉)ရောဂါကာကွယ်တာဆီးရေးလမ်းညွှန်ချက်များနှင့်အညီ ထိုင်းနိုင်ငံသို့ MoU စနစ်ဖြင့် အလုပ်သမားစေလွှတ်၊လက်ခံနိုင်ရေးအား ညှိနှိုင်းဆွေးနွေး၍ ရွှေ့ပြောင်းလုပ်သားများ စေလွှတ်နိုင်ရေးအတွက် အထက်ဌာနများသို့တင်ပြ၍ လမ်းညွှန်ချက်များနှင့်အညီ အကောင် အထည်ဖော် ဆောင်ရွက်လျက်ရှိသည်ဟု သိရသည်။