ပြည်သူဝင်ကူရ​သော ပြည်သူ့​ရေးရာဝန်​ဆောင်မှု

က​မ္ဘောဒီးယားနိုင်ငံ ဖနွမ်းပင်မြို့၌မီးပွိုင့်မရှိသော လမ်းဆုံများတွင် ယာဉ်ထိန်းရဲများ ပုံမှန်ရှိမ​နေခြင်း​ကြောင့် ယာဉ်ကြောပိတ်ဆို့မှုများ ထိန်းမနိုင်သိမ်းမရ ဖြစ်​လေ့ရှိသည်။

အဆိုပါလမ်းဆုံများတွင် ယာဉ်ကြောပိတ်ဆို့မှုသည် နာရီပေါင်းများစွာကြာ​လေ့ရှိပြီးယာဥ်​မောင်းများကလည်း ပရမ်းပတာ ​မောင်းကြသည်။

အထူးသဖြင့် ကိုယ်ပိုင်ကားများနှင့် မော်တော်ဆိုင်ကယ်များ များပြားလာခြင်းကြောင့် မကြာသေးမီနှစ်များအတွင်း ဖနွမ်းပင်တွင် ယာဉ်ကြောပိတ်ဆို့မှုများ သိသိသာသာ ဆိုးရွားလာခဲ့သည်။ သို့သော်လည်း ညီညီညွတ်ညွတ် လမ်းစည်းကမ်း လိုက်နာမှု မရှိခြင်းက အဓိက အကြောင်းရင်းတစ်ခု ဖြစ်သည်။

ယာဉ်မောင်းအများစုသည် လူကူးမျဉ်းကြားများကိုပင် လျစ်လျူရှုကြသည်။
အချို့နေရာများတွင် ယာဉ်ကြောပိတ်ဆို့မှု နာရီနှင့်ချီ၍ ဖြစ်​နေ​သော​ကြောင့်ဒေသခံစေတနာ့ဝန်ထမ်းများ ၊တက္ကစီယာဉ်မောင်းများ ရံဖန်ရံခါ ဝင်ရောက်ကူညီကြရသည်။၎င်းတို့၏ ကြိုးပမ်းအားထုတ်မှုများသည် ရေရှည်အတွက် အဖြေမဟုတ်ပေ။

ယာဉ်ရပ်နားခွင့်မ​ပေးထား​သော လမ်းဘေးတွင် ရပ်ထားသော ယာဉ်များ​ကြောင့်အခြေအနေမှာ ပိုမိုဆိုးလာခြင်းဖြစ်သည်။ရပ်ထားသောကားများ​ကြောင့်လမ်းနေရာကျဉ်းစေပြီး ယာဉ်ကြောပိတ်ဆို့မှုကို ပိုမိုဆိုးရွားစေသည်။

ပြည်သူ့ရေးရာဝန်​ဆောင်မှုကို​ပေးမည်ဟုဂတိပြုထား​သော အစိုးရဝန်ထမ်းများက ထိုကိစ္စကို ကိုင်တွယ်​ဖြေရှင်းရမည်ဖြစ်သည်။

Ref:khmertimeskh