မြန်မာနိုင်ငံမှထွက်ရှိသည့် ရေထွက်ကုန်ပစ္စည်းများအား အိမ်နီးချင်းနိုင်ငံများသို့ လေကြောင်းလိုင်းများမှတစ်ဆင့်တင်ပို့နိုင်ရေးအတွက် မြိတ်လေယာဉ်ကွင်းကို အဆင့်မြှင့်တင်မည်ဟု မြန်မာနိုင်ငံတော် ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မ ရှင် ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်က ပြောသည်။
တနင်္သာရီတိုင်း၊ မြိတ်မြို့ရှိ ဌာနဆိုင်ရာတာဝန်ရှိသူများ၊ ရပ်မိရပ်ဖများအား မြိတ်မြို့၊ ပုလဲရတနာခန်းမ၌ ယနေ့ စက်တင်ဘာ ၁၉ ရက်ကတွေ့ဆုံစဥ် မြန်မာနိုင်ငံတော် ယာယီသမ္မတမှ အထက်ပါအတိုင်းပြောကြားခဲ့ခြင်းဖြစ်သည်။
မြန်မာနိုင်ငံမှထွက်ရှိသည့် ရေထွက်ကုန်ပစ္စည်းများသည် အိမ်နီးချင်းနိုင်ငံများ၌ ဈေးကွက်လိုအပ်ချက်ပမာဏကြီးမားစွာရှိ၍ လေကြောင်းလိုင်းများမှတစ်ဆင့်တင်ပို့နိုင်ရန် မြိတ်လေယာဉ်ကွင်းကိုအဆင့်မြှင့်တင်ခြင်းလုပ်ငန်းများအား ဆောင်ရွက်ပေးသွားမည်ဖြစ်ကာ ရေထွက်ကုန်ပစ္စည်းများအား ပြည်ပသို့တင်ပို့ရာတွင် အအေးခန်းကွန်တိန်နာများဖြင့် သယ်ယူဆောင် ရွက်ပါကလည်း လုပ်ငန်းပိုမိုအဆင်ပြေနိုင်မည်ဟု ပြောသည်။
ထို့ပြင် မြိတ်မြို့၌ အပြည်ပြည်ဆိုင်ရာငါးလေလံဈေးတည်ဆောက်ရေးစီမံကိန်းကို အကောင်းဆုံးဆောင် ရွက်ပေးသွားမည်ဖြစ်ကာ မြေနေရာအတွက်လည်း မူဝါဒချမှတ်ပေးထားပြီးဖြစ်ပြီး ရေထွက်ကုန်ပစ္စည်းများကို ပြည်ပသို့တင်ပို့ရာ၌ မှန်မှန်ကန်ကန်ဆောင်ရွက်၍ ချမှတ်ထားသည့် စည်းမျဉ်းစည်းကမ်းများအတိုင်းဖြစ်ရန်လိုသည်ဟု ပြောသည်။
ပုစွန်မွေးမြူရေးအတွက်လိုအပ်သည့် ပုစွန်အစာနှင့်ပတ်သက်၍ ပြည်တွင်း၌ထုတ်လုပ်နိုင်ရေးကိုကြိုးပမ်းဆောင်ရွက်လျက်ရှိကာ ပုစွန်သားပေါက်တင်သွင်းခွင့်ရရှိရေး၊ ပုစွန်အစာတင်သွင်းခွင့်ရရှိရေးတို့ကိုလည်း အဆင်ပြေအောင်ဆောင်ရွက်ပေးမည်ဖြစ်ပြီး ပုစွန်မွေး မြူရေးတွင် ပုစွန်ကန်များပြုလုပ်မွေးမြူရာ ပုစွန်ကန်များဖော်ထုတ်ရာတွင်လည်း စနစ်တကျသုတေသနပြုဆောင်ရွက်ရမည်ဟု ပြောသည်။
ထို့ပြင် မြိတ်ခရိုင်အတွင်း ဆန်ဖူလုံမှုတိုးတက်လာသော် လည်း ပန်းတိုင်ရည်မှန်းချက်ပြည့်မီအောင် ဆက်လက်ကြိုးပမ်းဆောင်ရွက်သွားရမည်ဖြစ်ကာ စိုက်ပျိုးရေးအ တွက်ခွင့်ပြုပေးထားသည့်မြေနေရာများတွင် အခြားနည်းများဖြင့် သုံးစွဲမှုမရှိစေရေး၊ သတ်မှတ်စည်းမျဉ်းများနှင့်အညီဖြစ်စေရေးဆောင်ရွက်ရမည်ဖြစ်ပြီး မြိတ်ဒေသတွင် အထပ်မြင့်အဆောက်အဦများဆောက်လုပ်ပါက လူနေထိုင်မှုပိုမိုအဆင်ပြေ၍ စိုက်ပျိုးမြေများ၌ အခြားနည်းများဖြင့် အသုံးပြုမှုများလျော့နည်းသွားမည်ဟုလည်း မြန်မာနိုင်ငံတော် ယာယီသမ္မတက ပြောကြားခဲ့သည်။