ပြည်ပမှ စားအုန်းဆီ တင်သွင်းမှုလျှော့ချနိုင်ရေး နေကြာဆီထုတ်လုပ်မည့် စက်ရုံများအား ချေးငွေထုတ်ချေးရန်စီစဉ်နေ

ပြည်ပမှ စားအုန်းဆီ တင်သွင်းမှုလျှော့ချနိုင်ရေး နေကြာဆီထုတ်လုပ်မည့် စက်ရုံများအား ချေးငွေထုတ်ချေးရန်စီစဉ်နေ

ပြည်ပမှ စားအုန်းဆီ တင်သွင်းမှု လျှော့ချနိုင်ရန် ပြည် တွင်း ထုတ်လုပ်မှုကို တိုးမြှင့်ရမည်ဖြစ်သည့်အတွက် နေ ကြာဆီ ထုတ်လုပ်မည့် ကုမ္ပဏီများကို ချေးငွေ ထုတ်ချေးပေးရန် စီစဉ်နေကြောင်း စီးပွားကူးသန်းဝန်ကြီး ဒေါက် တာပွင့်ဆန်းက ပြောသည်။

ဇူလိုင်လ (၉) ရက် နံနက်ပိုင်းက ရန်ကုန်မြို့၊ ကမ်းနားလမ်းရှိ စီးပွားရေးနှင့် ကူးသန်းရောင်းဝယ်ရေး ဝန်ကြီး ဌာန၊ ရန်ကုန်တိုင်းဒေသကြီးရုံးခွဲတွင်  စားအုန်းဆီ တင်သွင်း၊ သိုလှောင်၊ ဖြန့်ဖြူးခြင်းလုပ်ငန်း ကြီးကြပ်ရေးကော်မတီအဖွဲ့ဝင်များ၊ မြန်မာနိုင်ငံဆီကုန်သည်နှင့် ဆီလုပ်ငန်းရှင်အသင်းမှ တာဝန်ရှိသူများ၊ စားသုံးဆီတင်သွင်းသည့် လုပ်ငန်းရှင်များနှင့် တွေ့ဆုံစဉ် ဝန်ကြီးက ပြောကြားခဲ့ခြင်း ဖြစ်သည်။

“ပြည်ပမှ စားအုန်းဆီတင်သွင်းမှု လျှော့ချနိုင်ရေးအတွက် ပြည်တွင်း ထုတ်လုပ်မှုကို တိုးမြှင့်ဆောင်ရွက်ရမည် ဖြစ်သကဲ့သို့ စားသုံးသူလက်ခံနိုင်သည့် အရည်အသွေးပြည့်မီသော စားအုန်းဆီများ ထုတ်လုပ်ဖြန့်ဖြူးနိုင်ရေးအ တွက်လည်း အရေးကြီးပါတယ်။ ယခုအချိန်မှာ ပြည် တွင်း၌ နေကြာစိုက်ပျိုးထုတ်လုပ်မှုကို တိုးမြှင့်ဆောင် ရွက်နေတဲ့အတွက် အရည်အသွေးပြည့်မီတဲ့ နေကြာဆီ ထုတ်လုပ်တဲ့ စက်ရုံများ ပေါ်ပေါက်လာစေရေး ချေးငွေများ ပေးအပ်နိုင်ရန် နိုင်ငံတော်အနေဖြင့် စီစဉ်ဆောင်ရွက်လျက် ရှိပါတယ်” ဟု ဒေါက်တာ ပွင့်ဆန်းက ပြောသည်။

လက်ရှိတွင် ပြည်တွင်း၌ စားအုန်းဆီကြမ်း ထုတ်လုပ်လျက်ရှိရာ အဆင့်မြင့်စားအုန်းဆီ ထုတ်လုပ်နိုင်ရေးကိုလည်း ဆောင်ရွက်သွားမည်ဖြစ်ကြောင်း သိရသည်။

ပြည်ပမှ တင်သွင်းသည့် စားအုန်းဆီများကို စ နစ်တကျ တင်သွင်း၊ ဖြန့်ဖြူး၊ ရောင်းချ နိုင်ရေးအတွက် ထိန်း ကျောင်းဆောင်ရွက်လျက်ရှိရာ စားအုန်းဆီတင်သွင်းသူ များအနေဖြင့်လည်း ဝန်ကြီးဌာနမှ သတ်မှတ်ထားသည့် စည်းမျည်း စည်းကမ်းများနှင့်အညီ တင်သွင်းဖြန့်ဖြူး ရောင်းချသွားရန်လည်း ဝန်ကြီးက မှာကြားခဲ့သည်။

ထို့အပြင် လာမည့် ဘဏ္ဍာနှစ်မှစ၍ ဈေးကွက်သို့ ဆီပေ ပါများဖြင့် ဖြန့်ဖြူးနေခြင်းအစား Consumer Pack ဖြင့် ထုပ်ပိုးဖြန့်ဖြူး ရောင်းချသွားရန် လုပ်ငန်းရှင်များကို အ သိပေး နှိုးဆော်ထားပြီး ဖြစ်သည့်အတွက် ကြိုတင်ပြင် ဆင် ဆောင် ရွက်ကြရန်လည်း အသိပေး ပြောကြားခဲ့သည်။

ယင်းကဲ့သို့ Consumer Pack ဖြင့် ထုပ်ပိုးဖြန့်ဖြူးရောင်း ချရာတွင် သက်ဆိုင်ရာဌာနများက ညွှန်ကြားထားသည့် ကုန်အညွှန်းအမှတ်အသားများ ပြည့်စုံစွာ ဖော်ပြရမည် ဖြစ်ကြောင်း သိရသည်။