ပြည်ပမှစက်သုံးဆီနှင့် စားအုန်းဆီတင်သင်္ဘောများ စဉ်ဆက်မပြတ် ဝင်ရောက်မှုကြောင့် ပြည်တွင်းသုံးစွဲမှု လုံလောက်သည့်အပြင် အရန်ဆီများ ကြိုတင် သိုလှောင်ထားရှိပြီး ရောင်းဈေးနှုန်းသည်လည်း ယခင်ထက် လျော့နည်းကျဆင်းလျက်ရှိကြောင်း စက်သုံးဆီတင်သွင်း သိုလှောင် ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ သိရသည်။
လက်ရှိတွင် သီလဝါရှိ ဆီချဆိပ်ကမ်းများတွင် စက်သုံးဆီတင် သင်္ဘော(၆)စင်း၊ ပင်လယ်ဝတွင် သင်္ဘော(၃)စင်း ရောက်ရှိပြီဖြစ်ပြီး လမ်းခရီးတွင် သင်္ဘော(၁)စင်းနှင့် ပြည်ပနိုင်ငံတွင် စက်သုံးဆီ တင်ဆောင်နေသော သင်္ဘော (၁၀) စင်း အသင့် ဖြစ်နေပြီဖြစ်ကာ ဖေဖော်ဝါရီလအတွင်း သင်္ဘော (၂၉) စင်းဝင်ရောက်မည်ဖြစ်ကြောင်း သိရသည်။
ထို့ပြင် ပြည်တွင်း စက်သုံးဆီဖူလုံမှုရှိစေရန်အတွက် နေ့စဉ်သုံးစွဲမှု ပမာဏအပြင် အရန်ဆီအနေဖြင့် တစ်လစာခန့် တင်သွင်းသိုလှောင်ထားရှိပြီး သီလဝါမှ နိုင်ငံတစ်ဝန်သို့ လုံလော က်သော ဆီတင်ယာဉ်များဖြင့် အချိန်နှင့်တပြေးညီ ဖြည့်တင်းဖြန့်ဖြူးရောင်းချပေးနေကာ ဒေသအသီးသီးရှိ ပြည်သူ များသည် စက်သုံးဆီ ပြတ်လပ်မှုမရှိဘဲ လိုအပ်သည့်နေရာတွင် လိုအပ်သည့် ပမာဏကို လွယ်ကူအဆင်ပြေချောမွေ့စွာ ဝယ်ယူ သုံးစွဲနိုင်ရန် စီမံထားရှိကြောင်း သိရသည်။
ယင်းကြောင့် စက်သုံးဆီ ဈေးနှုန်းများသည်လည်း ယခင်ကထက် တစ်လီတာ လျှင် (၈၅) ကျပ်မှ (၁၁၅) ကျပ်အထိ ဆက်တိုက်ကျဆင်းလျက်ရှိကြောင်း သိရသည်။
အလားတူ စားအုန်းဆီဈေးနှုန်းသည် ယခင် တစ်ပိဿာ ရ ည်ညွှန်းဈေးနှုန်း ငွေကျပ် (၇၂၈၀) မှ ယခု အပတ်တွင် (၇ ၁၆၅) ကျပ်အထိ ဆက်တိုက်ကျဆင်း လျက်ရှိပြီး နိုင်ငံတ ကာဈေးနှုန်း ဖြစ်ပေါ်ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းဖြင့် သတ်မှတ်ရောင်းချပေးမည် ဖြစ်သည့်အပြင် ရန်ကုန်ဆီကန် အထိုင်ရည်ညွှန်းဈေး နှုန်းကိုလည်း စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ အပတ်စဉ် သတ်မှတ်ထု တ်ပြန်ပေးလျက်ရှိကြောင်း သိရသည်။