Asean Club Championship Shopee Cup အုပ်စုပွဲစဉ်ကို မနက်ဖြန် ဖေဖော်ဝါရီ (၅)ညနေ (၆)နာရီခွဲအချိန်၌ ရှမ်းယူနိုက်တက်နှင့် ကမ္ဘောဒီးယားကလပ် Svay Rieng FC တို့ ယှဉ်ပြိုင်ကစားကြမည်ဖြစ်သည်။
ရှမ်းယူနိုက်တက်အသင်းအနေဖြင့် အဆိုပါ ပွဲစဉ်ကို ကမ္ဘောဒီးယားတွင် အဝေးကွင်းအဖြစ် ယှဉ်ပြိုင်ကစားရမည်ဖြစ်ပြီး၊ ACC အုပ်စုပွဲစဉ်တစ်လျှောက် Svay Rieng FC အသင်းနှင့် ပထမဆုံးအကြိမ်ယှဉ်ပြိုင်ကစားကြခြင်းဖြစ် သည်။
“ပထမဆုံး အကြိမ် တွေ့ဆုံမှုမှာ ရှမ်းယူနိုက်တက်အသင်း ဘယ်လို ပြင်ဆင်ထားသလဲဆိုတာ စောင့်ကြည့် အားပေးကြပါ”ဟု အသင်းက အသိပေးထားသည်။
ရှမ်းယူနိုက်တက်အသင်းနှင့် Svay Rieng FC အသင်းတို့သည် AFC Challenge League (Quarter Final) ပွဲစဉ်ကိုလည်း ယှဉ်ပြိုင်ကြရမည်ဖြစ်ကာ ဖေဖော်ဝါရီ (၅)ရက်မှ မတ်လ (၁၃)ရက်အတွင်း (၃)ကြိမ်တိတိ ထိပ်တိုက်တွေ့ဆုံကြရမည့် အသင်းနှစ်သင်းဖြစ်သည်။
ရှမ်းယူနိုက်တက်အသင်းသည် ဖန်နဝါရီ(၈)ရက်က မလေးရှားကလပ် Terengganu အသင်းဖြင့် ယှဉ်ပြိုင်ကစားရာ (၅)ဂိုးပြတ်ဖြင့် ရှုံးနိမ့်ထားပြီး ဇန်နဝါရီ(၂၂)ရက်က ထိုင်းကလပ် BG Pathum United အသင်းကို (၄)ဂိုးပြတ်ဖြင့် ရှုံး နိမ့်ထားသည်။
ရှမ်းယူနိုက်တက်အသင်းသည် အုပ်စု (A)အတွင်း ကျရောက်နေပြီး၊ ထိုင်းကလပ် BG Pathum United အသင်း ၊ မလေးရှားကလပ် Terengganu အသင်း၊ အင်ဒိုနီးရှားကလပ် PSM မာကာဆာ အသင်း၊ ဗီယက်နမ်ကလပ် Dong A Than h Hoa အသင်း ၊ ကမ္ဘောဒီးယားကလပ် Svay Rieng အသ င်းတို့နှင့် ယှဉ်ပြိုင်နေရခြင်းဖြစ်သည်။