ဘန်ဂလူရူ၊ဖေဖော်ဝါရီ ၁၂
ပြင်သစ်က အိန္ဒိယ၏ဒုံးပျံလောင်ချာစနစ်အားဝယ်ယူရန်ဆွေးနွေးနေပြီး စာချုပ်ချုပ်ဆိုဖြစ်ပါက နူးဒေလီအတွက် ဒုတိယအကြီးဆုံးလက်-နက်တင်ပို့သူဖြစ်သော ပြင်သစ်သည် ပထမဆုံးအကြိမ်အဖြစ် အိန္ဒိယထံမှလက်-နက်ဝယ်ယူသူဖြစ်လာမည်ဖြစ်သည်။
အိန္ဒိယသည် ကမ္ဘာ့အကြီးဆုံး လက်-နက်တင်သွင်းသူဖြစ်သလို ၎င်း၏ကာကွယ်ရေးလိုအပ်ချက်များ ပြည့်မီစေရန် ပြည်တွင်းထုတ်လုပ်မှုကိုပါမြှင့်တင်ရန် ကြိုးပမ်းနေပြီး ကာကွယ်ရေးပစ္စည်းများတင်ပို့မှုကိုလည်း ဆက်တိုက်မြှင့်တင်လျက်ရှိသည်။
အကွာအဝေး ၉၀ ကီလိုမီတာ (၅၆ မိုင်) ထိရောက်သော အိန္ဒိယပြည်တွင်းလုပ် Pinaka ဒုံးပျံစနစ်ကို လွန်ခဲ့သည့်သုံးလခန့်က အိန္ဒိယရှိ ပြင်သစ်ကိုယ်စားလှယ်အဖွဲ့အား စမ်းသပ်ပြသခဲ့ရာ ပြင်သစ်ဘက်ကသဘောကျဖွယ်ရှိသည်ဟု အမည်မဖော်လိုသူအရာရှိတစ်ဦးကပြောကြားခဲ့သည်။
“လက်ရှိအချိန်မှာ ဝယ်ယူဖို့အထိအတည်မပြုရသေးပေမဲ့ ဆွေးနွေးမှုတွေတော့ဆက်လုပ်နေပါတယ်” ဟုလည်းတာဝန်ရှိသူတစ်ဦးကပြောကြားခဲ့သည်။
Source : အာရပ်နူးစ်