ပဲခူးတိုင်း၊ ပဲခူးမြို့ရှိ ဗုဒ္ဓအသံဓမ္မဗိမာန်၌ အပြည်ပြည်ဆိုင်ရာသက်ကြီးပုဂ္ဂိုလ်များနေ့အခမ်းအနားကို ယနေ့ အောက်တိုဘာ ၁ ရက်ကကျင်းပရာ ပဲခူးတိုင်းဝန်ကြီးချုပ်ဦးမျိုးဆွေဝင်းနှင့် ဇနီး၊ တာဝန်ရှိသူများတက်ရောက်ခဲ့ကြသည်။
တိုင်းဝန်ကြီးချုပ်နှင့် ဇနီးတို့မှ ပဲခူးတိုင်းအတွင်းမှ အသက်အကြီးဆုံးဖြစ်သည့် မိုးညိုမြို့နယ်၊ ဘိုးဘိုကျွန်းကျေးရွာအုပ်စုမှ အသက်(၁၁၈)နှစ်ရှိ အဘိုးဦးတင်ဟန်နှင့် ရေတာရှည်မြို့နယ်၊ တခွဲကျဲကျေးရွာမှ အသက် (၁၁၇)နှစ်ရှိ အဘွားဒေါ်ပြုံးကြည်တို့အား ဂုဏ်ပြုငွေကျပ်(၃)သိန်းစီကန်တော့ခဲ့ကြသည်။
ထို့နောက် တိုင်းဝန်ကြီးချုပ်နှင့် ဇနီး၊ တာဝန်ရှိသူများက ပဲခူးမြို့ပေါ်ရပ်ကွက်များနှင့် သပြေကုန်းဘိုးဘွားရိပ် သာတို့မှ အသက်(၈၅)နှစ်အထက် အဘိုးအဘွား(၆၀) ဦးတို့အား ကန်တော့ပစ္စည်းများပေးအပ်၍ကန်တော့ခဲ့ကြပြီး ကျန်းမာရေးဝန်ထမ်းများမှလည်း ဘိုးဘွားများအား ကျန်းမာရေးစောင့်ရှောက်မှုများပြုလုပ်ပေးခဲ့ကြသည်။